Цæгат Ирыстоны прокуроры хæстæ æххæстгæнæг Олег ФРИКЕЛЬ фембæлд, ведомствæмæ алыхуызон курдиæттимæ чи бахатыд, уыцы адæмы къордимæ.
Прокуратурæйы бæрнон кусджыты фембæлд адæмимæ сарæзтæуыд Дзæу-
джыхъæуы Ирыстойнаг районы прокуратурæйы бæстыхайы. Фембæлдмæ чи саккаг кодта, уыдонимæ уыдысты сæрмагонд æфсæддон операцийы архайджыты бинонты уæнгтæ дæр.
Адæм рæгъмæ цы фарстатæ рахастой, уыдон баст уыдысты уголовон-процессуалон закъонæвæрынад æххæст кæнынæн фадæттæ аразынимæ, цæрæн бынæтты фæлгонцад æмæ автомобилон фæндæгты нывыладимæ, промышленнон куыстады хауæццæгтæ аккаг хуызы æфснайынимæ, стæй æндæр ахæм ахсджиаг хъуыддæгтимæ.
Алкæцы курдиаты авторимæ дæр аныхас кæнгæйæ, Олег Фрикель зæрдæ бавæрдта, ведомствæ бæстон цæстдарæн мадзæлттæ кæй сараздзæн æмæ æппæт фарстаты фæдыл дæр æмбæлгæ уынаффæтæ хаст кæй æрцæудзæн, уымæй. Уыимæ, йæ ныхасмæ гæсгæ, фыццаградон æргом здæхт уыдзæн, граждæнты бартæ къахыргонд кæм æрцыдысты, уыцы цаутæм.
РЦИ-Аланийы
Прокуратурæйы
пресс-службæ
