Компани «Ростелеком» видеоцæстдарды цалдæр мин камерæйы сæвæрдта, скъолаты рауагъдонтæ Иумæйаг паддзахадон фæлварæн рагагъоммæ цы аудиториты дæтдзысты, уыдоны.
Уый тыххæй фехъусын кодта компанийы пресс-службæ.
«Ростелеком»-ы минæвары ныхасмæ гæсгæ, ахæм техникон куыстытæ бакодтой 68 уæрæсейаг регионы.
Скъоладзаутæн фæлварæнтæ кæм уыдзæн, уыцы кълæстæй комкоммæ трансляци цæудзæн сæрмагонд портал «Смотри ЕГЭ»-мæ. Уыцы порталы фæрцы фæлварæны фæткæн аргъ кæныны фадат уыдзæн профилон ведомствæты специалисттæ æмæ æхсæнадон цæстдарджытæн дæр.
Уыимæ, видеоцæстдарды системæтæ сæвæрдтой, паддзахадон фæлварæнты бæрæггæнæнтæ æрвыст кæдæм цæуынц, уыцы сæрмагонд регионалон информацион центрты дæр. Ахæм центрты архайды сæйрагдæр нысан у фæлварæнты бæрæггæнæнтæй кæронбæттæн хатдзæгтæ кæнын, стæй скъолаты рауагъдонтæ кæнæ сæ ныййарджытæм фæлварæны фæткмæ фиппаинæгтæ куы уа, уæд уыдоны фæдыл рæстаг кæронбæттæн уынаффæтæ рахæссын.
Раздæр федералон агентад «Рособрнадзор» куыд фехъусын кодта, афтæмæй 2026 азы Иумæйаг паддзахадон фæлварæн лæвæрд цæудзæн æртæ къæпхæнæй: рагагъоммæ (20 мартъийæ – 20 апрелмæ), сæйраг (1 июнæй – 9 июлмæ) æмæ уæлæмхасæн (4 сентябрæй – 25 сентябрмæ).
Нæ уацхæссæг
