Нæ республикæйы скъолаты æнтыстджынæй кусынц дæсныйады агъоммæ инженерон кълæстæ.
Фæлтæрдджын педагогты разамындæй лекцион æмæ практикон
ахуырад чи иу кæны, уыцы фæсивæдæн ис скъолайы ахуырады заман дæр фидæны дæсныйад сбæлвырд кæныны æмæ уæлдæр техникон скъолатæм ахуыр кæнынмæ бацæуынмæ хи бацæттæ кæныны фадат. Проект æххæст кæнынц Цæгат Кавказы хæххон-металлургон институтимæ: ахуырадон программæйы хай ацæуы ацы ахуыргæнæндоны бындурыл.
Уымæй уæлдай, дæсныйад амонæн бындуртæм гæсгæ æмгуыстгæнæг организацитæ чи бабæрæг кæны, уыцы ахуырдзаутæн ис æцæг куыстад æмæ нырыккон технологитимæ хæстæгдæр базонгæ уæвыны фадат.
Проект æххæст кæныны хъуыддаджы архайынц федералон уæлдæр скъолатæ дæр: æрæджы Мæскуыйы Физикон-техникон институт нæ республикæйы сарæзта олимпиадæ «Физтех. Инженерное дело»-йы кæронбæттæн хай. Скъоладзаутимæ архайдтой Цæгат Кавказы хæххон-металлургон институт æмæ Цæгат Ирыстоны паддзахадон университеты ахуыргæнджытæ.
Ахуырады системæимæ Цæгат Ирыстоны экономикæйæн кусджыты
цæттæ кæныны фæдыл куыст дарддæр цæудзæн. Ацы хъуыддаджы руаджы фæсивæд се ’ргом техникон дæсныйæдтæм кæй аздахдзысты, æмæ арæхстджын инженерты схъомыл кæныны фадат кæй уыдзæн, ууыл зæрдæ дарæн ис.
РЦИ-Аланийы
Ахуырад æмæ
наукæйы министрады
пресс-службæ
