Уæрæсейы Социалон фонды цæгатирыстойнаг хайад æфтиаджы 10 проценты онг уæлдæр бæрцимæ бирæсывæллонджын бинонтæн æмбæлгæ фиддонтыл проактивон уагæй æрныхас кæндзæн.
Ацы аз иумæйаг пособийы æмгъуыд адаргъ кæныны фæдыл курдиат чи барвыста, фæлæ æфтиæгты тæккæ фылдæр бæрц 10 проценты онг уæлдæр кæй у, уый тыххæй пособи чи нæ исы, æппынкъаддæр æртæ сывæллоны хъомылгæнæг уыцы ныййарджытæн фиддон автоматикон уагæй сæвæрдзысты. Закъоны амынд нормæ архайын райдайдзæн ацы азы 22 майæ фæстæмæ.
Архайæг нормæтæм гæсгæ, æфтиаджы æмвæзад кæд хæрзчысыл фылдæр у, уæд дæр бинонтæ пособи исыны барæй автоматикон уагæй фæцух вæййынц (паддзахады ‘рдыгæй æххуыс уæлдай ахсджиагдæр кæмæн у, ацы æууæл, фыццаджыдæр, фæбæрæг вæййы ахæм бирæсывæллонджын бинонтыл). Ацы азы 20 февралы фидаргонд ног федералон закъон куыд амоны, афтæмæй, пособи исыны рæстæг кæй æфтиаг фæфылдæр, уыцы бинонтæм уыдзæн радон курдиат барвитыны рæстæг фиддоны æмгъуыдыл ноджыдæр ма афæдз бафтауыны бар.
Æфтиаг бауадзинаг бæрцæй чысыл фылдæр кæй у, уый тыххæй амæй размæ иумæйаг пособи кæмæн нæ сæвæрдтой, закъонмæ хаст ивддзинæдты руаджы ныр уыцы бинонтæн ноджыдæр ма афæдзы æмгъуыдмæ сæвæрдзысты республикæйы фæцæрынæн хъæугæ тæккæ къаддæр хæрдзты бæрцæй 50 проценты бæрц фиддон.
Ацы азы январæй фæстæмæ кæй рахастой æмæ ног нормæтæ кæуыл æххæссынц, Социалон фонды республикон хайад проактивон уагæй æрныхас кæндзæн разыйы дзуапп ма раттыны фæдыл уыцы уынаффæтыл. Бинонтыл искуыдæм дыккаг хатт курдиат æрвитыны хæс æвæрд нæ уыдзæн, ныййарджытæн хаст уынаффæйы тыххæй хабар портал «Госуслуги»-йы фæрцы фехъусын кæндзысты. Ацы ныййарджытæн сæвæрдзысты регионы фæцæрынæн хъæугæ тæккæ къаддæр
хæрдзты бæрцæй 50 проценты бæрц фиддон. Ацы аз Цæгат Ирыстоны сывæллæттæн фæцæрынæн тæккæ къаддæр хæрдзты бæрц у 16534 сомы, æмæ афтæмæй бирæсывæллонджын бинонтæн пособийы бæрц уыдзæн 8267 сомы.
Уæрæсейы Социалон фонды иумæйаг контакт-центр: 8-800-100-00-01 (телефонæй фæдзурæн ис лæвар).
УФ-йы Социалон
фонды цæгатирыстойнаг
хайады пресс-службæ
