Цæгат Ирыстоны цæрджытæ фæлхасгонд газæн фидгæйæ пайда кæнынц электронон квитанцитæй. Газæн бафидгæйæ, нырыккон экологон документæй чи пайда кæны, «Газпром межрегионгаз Владикавказ»-ы уыцы фæлхасгæнджытæ алы мæй дæр 10 проценты фылдæр фæвæййынц.
Электронон квитанци у фиддоны æххæст документ, æрвылмæй электронон постмæ чи бахæццæ вæййы, гæххæттын квитанцийы ахæм къопи. Уый гæххæттын хуызæй раздæр бахæццæ вæййы, кæцыфæнды ифтонггарзæй дæр æй райсæн ис.
Газы компанийы куыд фæбæрæг кодтой, афтæмæй электронон æмгуыстадмæ рахизын квитанци дæр бахъахъхъæндзæн, æнцондæр æркæсæн æм ис, абоненты æппæт бæрæггæнæнтæ дæр хъахъхъæд цæуынц, сæфгæ нæ фæкæндзæн.
Электронон квитанцийы хæрзтæ дæр фæбæрæг кæнæм: газæн бафидыны хабæрттæ уайтагъд æрбахæццæ вæййынц электронон постмæ, квитанцимæ бахизæн ис онлайн хуызы, хæдзарæй, дард ран уæвгæйæ дæр, газæн бафидæн ис, электронон хыгъдтæ нæ сæфынц, квитанцитæ сисæн ис телефон кæнæ компьютермæ, уæдæ дæ хиуæтты фæлхасгонд газæн дæр дæ бон у фидын.
Электронон квитанцимæ рахизæн ис электронон сервис «Личный кабинет»-ы руаджы, уырдæм бацæуæн ис ахæм адрисыл https//мойгаз.смородина.онлайн кæнæ уæлæфтуан «Мой газ» (AppStore «Газ онлайн»-ы). Цæмæй электронон квитанци йæ тыхы бацæуа, уый фæдыл уæ бахъæудзæн «Настройки/Профиль»-мæ бахæссын æппæт хабæрттæ, ома фæз «Электронон пост»-мæ. Уый фæстæ та «Настройки/Лицевые счета»-йы вариант «На e-mail» равзарын.
Ис ма цæрæнбынаты абонентон хайадмæ æрхатын, гæххæттын хуызы квитанцийæ хи суæгъд кæныны тыххæй курдиат ныффыссын. Бавдисын хи хыгъд æмæ электронон посты адрис.
Нæ уацхæссæг
