Кировы хъæуы Хозиты Яковы номыл скъолайы, Мичурин æмæ Нартыхъæуы муниципалон бюджетон астæуккаг ахуырадон уагдæтты сбæрæг кодтой, ахуырдзаутæн лæвар тæвд хæринаг куыд лæвæрд цæуы, уый.
Цæстдарæн хайады сæйраг специалисттæ Катрин Жирняк, Мамытты Беатрис æмæ Хозиты Зæлинæ æрзылдысты скъолатыл æмæ сбæрæг кодтой, тæвд хæринаджы хæрзхъæддзинад æмæ куыд цæттæгонд цæуы, уый.
Сæ куысты сæйрагдæр фарстатæ сты æртæ къабазы: санитарон домæнтæ æмæ нормативтæ, хæринаг æмæ продуктты хæрзхъæддзинад, стæй хæринаг кæныны æдасдзинад. Специалисттæ æппæт ахуыргæнæндæттыл æрзылдысты. Санитарон-эпидемиологон домæнты хæлд бæрæггонд не ’рцыд.
Республикæйы Сæргълæууæджы фæдзæхстмæ гæсгæ, скъолаты хæринаджы хæрзхъæддзинад бæрæггонд цæуы иудадзыгдæр.
