Рауагъдад «Ир»-ы архайд æмæ йæ дарддæры рæзтимæ баст фарстатыл уыд ныхас, РЦИ-Аланийы Хицауады Сæрдар Дзанайты Барис цы æмбырд сарæзта, уым.
Æмбырды архайджытæ æрныхас кодтой рауагъдады фидæныл, цы лæггæдтæ аразы, уыдоны хæрзхъæддзинад фæхуыздæр кæныныл, нырыккон домæнтæн дзуапп куыд дæттой, афтæ æмæ ма киоскты ахадындзинадыл дæр.
– Республикæйы Сæргълæууæг Сергей Меняйлойы хъæппæрисæй 2024 азы егъаудæр национ рауагъдад «Ир»-æн лæвæрд æрцыд паддзахадон автоном уагдоны статус. Фыццаджыдæр, хъæуы рауагъды продукци фæфылдæр кæнын, рауагъдадæн бирæ куыст куыд уа, афтæ, – фæбæрæг кодта Дзанайты Барис.
Цæгат Ирыстоны Мыхуыр æмæ дзыллон коммуникациты комитеты сæрдары хæстæ рæстæгмæ æххæстгæнæг Эльдар Афашоков куыд фе-
хъусын кодта, афтæмæй 2025 азы мыхуыры рацыд Сæлбиты Тамиры чиныг æмæ ма ноджы чингуытæ ирон æвзагыл нæ республикæйы скъолатæ æмæ рæвдауæндæттæн. Уымæй уæлдай ма, 10 чиныджы хаст æрцыдысты нымæцон сервис «Литрес»-мæ. Рауагъдад архайдта къабазы арæзт фондз мадзалы, уыимæ – чингуыты фестиваль «Красная площадь»-ы дæр.
Æмбырды ма ныхас цыд, периодикон мыхуыр æмæ чингуытæ адæммæ куыд хæццæ кæной, рауагъдад «Ир» разамынд кæмæн дæтты, уыцы сæрмагонд хыз «Ног бон»-ы куысты фарстатыл. Ныридæгæн уал республикæйы ис авд ахæм киоскты – æртæ
Дзæуджыхъæуы, æмæ фæйнæ иуы – Беслæн, Елхот, Мæздæг æмæ Дигорайы. Уымæй уæлдай ма, регионы кусынц 60 базарадон объекты «Печать», уыдонæй 39 – Дзæуджы-
хъæуы.
Дзанайты Барисы ныхасмæ гæсгæ, цæмæй киоскты куыст æнтыстджындæрæй цæуа, уый тыххæй сын хъæуы сæ ассортимент фæхъæздыгдæр кæнын, бынæттон цæрджыты хъуыдытæ æмæ, республикæмæ цы туристтæ æрбацæуынц, уыдоны фæндонæн дæр дзуапп чи дæтты, ахæм продукцийæ. Уый фæдыл бахæс кодта мыхуыры продукцийы базарадон хызы куыст фæахадгæдæр кæнынæн «фæндаггон картæ» саразын.
ХЪОЙБАЙТЫ Галинæ
