Дзæуджыхъæуы бирæкъабазджын техникумы уыд Гом дуæртты æппæтуæрæсеон бон.
Алыхуызон дæсныйæдтæм гæсгæ мастер-класстæ бабæрæг кæнгæйæ, 200 скъоладзауæй фылдæр аныхас кодтой ахуыргæнджытимæ, студенттæ æмæ куыстдæтджытимæ. Рæхджы фидæны дæсныйад чи æвзардзæн, уыцы фæсивæдæн уыд техникумы материалон бындуримæ, цæттæкæнынады къабæзтæ æмæ ахуырады уавæртимæ базонгæ уæвыны фадат.
Ахуыргæнæндоны директор Дзгойты Станиславы ныхасмæ гæсгæ, техникумы арæзт авд равдисæн фæзы фæрцы фидæны абитуриенттæн уыд канд кусæг дæсныйæдты тыххæй хабæрттæ базоныны нæ, фæлæ ма куысты хи бафæлварыны фадат дæр.
– Техникумы ахуырадон-куыстадон æрмадзты зæрдиагæй бакусгæйæ, фæсивæд базонгæ сты дæсныйæдтæ «Сантехникæ æмæ хъармкæнынад»-имæ, «Электромонтаж», «Æндадзæн технологитæ», «Хилдасæн аивад» æмæ æндæртимæ. Фæсивæд дæсныйæдтимæ цæмæй хуыздæр базонгæ уой, мастер-класстæ уымæн ахъаз кæнынц. Уымæй уæлдай, скъоладзаутæн уыд куыстдæтджытимæ аныхас кæныны фадат. Æнахъомтæ фидæны дæсныйадыл цæмæй ахъуыды кæной æмæ йæ афтæмæй цæмæй равзарой, амынд нывыл карст дзыллон мадзæлттæ уымæн пайдайаг сты, – загъта Дзгойы-фырт.
Фиппаинаг: Гом дуæртты бонтæ техникумы рæстæгæй-рæстæгмæ саразынц.
Политикон парти «Иугонд Уæрæсе»-йы цæгатирыстойнаг
регионалон хайады пресс-службæ
