РЦИ-Аланийы Сæргълæууæг Сергей Меняйло фембæлд, республикæмæ кусæг балцы ссæуæг, Уæрæсейы футболы иугонд командæйы сæйраг тренер Валерий Карпинимæ.
Национ иугонд командæйы зондамонæг Цæгат Ирыстонмæ æппæтуæрæсеон фестиваль «Футболы магнит»-ы бацархайынмæ ссыд. Фестиваль конд æрцыд Дзæуджыхъæуы. Спортивон бæрæгбон скъоладзаутæн скодта Уæрæсейы футболы цæдис. Архайдтой дзы, скъолаты программæтæм футболы уроктæ кæмæн бахастой, уыцы сывæллæттæ æмæ футболы академи «Алани»-йы 7-14 аздзыд хъомылгæнинæгтæ.
Валерий Карпинæн æгасцуай зæгъгæйæ, Сергей Меняйло куыд фæбæрæг кодта, афтæмæй Цæгат Ирыстонæн ахæм уазæджы сæмбæлд у ахсджиаг æмæ ахъаззаг цау. «Фестиваль «Футболы магнит» хуымæтæг спортивон ерыс нæу, уый у æцæг бæрæгбон. Нæ рæзгæ футболисттæн сæ бон у æппæт арæхстдзинæдтæ равдисын æмæ уæлдæр æмвæзадмæ тырнын. Ноджы ма нæм Уæрæсейы зындгонд футболисттæ кæй æрцыд, уый та сын сæ зæрдæты ныфс гуырын кæны. Валерий Карпин, Дзæгъойты Алан, Гæбулты Владимир, Хъуысаты Алан, Евгений Макеев, Павел Яковлев сæ алкæмæн дæр сты фæзминаг», – загъта РЦИ-Аланийы Сæргълæууæг.
Цæгат Ирыстоны 26 скъолайы кусы проект «Футбол – скъолаты», Сергей Меняйло æмæ Валерий Карпин фæбæрæг кодтой йæ дарддæры рæзт, сывæллæтты-æвзонгты футболы размæцыд. Уæрæсейы футболы иугонд командæйы сæйраг тренер РЦИ-Аланийы Сæргълæууæгæн балæвар кодта иугонд командæйы футболкæ, йæ уæлæ футболистты къухфыстытæ, афтæмæй.
РЦИ-Аланийы Сæргълæууæг æмæ Хицауады пресс-службæ
