РЦИ-Аланийы Паддзахадон автоинспекцийы кусджытæ, Автомобилистты æппæтуæрæсеон æхсæнады цæгатирыстойнаг хайад æмæ нæ республикæйы Ахуырад æмæ наукæйы министрадимæ иумæ, Цæгат Ирыстоны ахуырдзау фæсивæды ‘хсæн сарæзтой фæндæгтыл æдасæй цæуыны тематикæйыл конкурстæ нывкæнынад æмæ æрмдæсныйадæй.
Мадзал ацыд Уæрæсейы Паддзахадон автоинспекцийы равзæрды 90 азы юбилейы кадæн, сывæллæтты сæрдыгон фæлладуагъды агъоммæ. Конкурсы фæлгæты скъоладзаутæ сæ арæхстдзинад равдыстой алыхуызон нывтæ æмæ æрмæгæй конд сфæлдыстадон куыстыты. Уыимæ, спайда кодтой пластилин, хъæбæр гæххæтт, бийын æмæ æрмдæсныйады æндæр гæнæнтæй. Сфæлдыстады фæрцы мадзалы архайджытæн фадат уыдис сæ зонындзинæдтæ фæндæгтыл æдасæй цæуыны фарстаты бæлвырддæрæй базонын кæнынæн. Инспектортæ сбæрæг кодтой скъоладзауты зонындзинæдты бæрзонд æмвæзад æмæ сæ цымыдисдзинад фæндæгтыл цæуыны æдасдзинадмæ. Конкурсы кæрон æппæт архайджытæн дæр сæ сæрæндзинад æмæ сфæлдыстадон æнтыстдзинæдты тыххæй лæвæрд æрцыд кады гæххæттытæ, дипломтæ æмæ зæрдылдарæн кубоктæ.
РЦИ-Аланийы Паддзахадон автоинспекцийы пресс-службæ
