РЦИ-Аланийы Сæргълæууæг Сергей Меняйло фембæлд Уæрæсейы Æххæстбарджын минæвар, уæрæсейаг æхсæнад «Зонындзинæдтæ»-йы лектор, паддзахадон æмæ æхсæнадон архайæг, философон наукæты доктор Рамазан Абдулатиповимæ.
Фыццаджыдæр, Сергей Меняйло бузныг загъта кадджын уазæгæн, Цæгат Ирыстоны æппæт хъуыддæгтæм афтæ къæрцхъус кæй у, уый тыххæй. Уæдæ, ирон фыссынадимæ баст наукон-практикон конференцийы дæр Рамазан Абдулатиповы архайд ирд фæд ныууагъта. Конференци саразыны хъæппæрис равдыста РЦИ-Аланийы Национ политикæ æмæ æддагон бастдзинæдты министрад, скодтой йæ Славянаг фыссынады боны кадæн.
«Цæгат Ирыстон æмæ Дагестаны адæмты иу кæнынц бирæазыккон хæлар ахастдзинæдтæ, рагон историон æмæ культурон бастдзинæдтæ. Уыдон систы æмахастытæ æмæ æмгуыстады бындуртæ. Бузныг, ирон кириллицæйы 190 азы кадæн конд наукон-практикон конференцийы кæй бацархайдтай, уый тыххæй. Уыдоны руаджы нациты ‘хсæн бастдзинæдтæ фидардæр кæнынц, æмæ адæмты ‘хсæн хæлардзинад хъæддыхдæр кæны», – загъта РЦИ-Аланийы Сæргълæууæг.
Куыд фæбæрæг кодтой, афтæмæй Уæрæсейы Æххæстбарджын минæвар, уæрæсейаг æхсæнад «Зонындзинæдтæ»-йы лектор, паддзахадон æмæ æхсæнадон архайæг, философон наукæты доктор, конференцийæ уæлдай, дзыллон фембæлдтытæ скæндзæн паддзахадон æмæ муниципалон службæгæнджытимæ, уымæй уæлдай – Дзæуджыхъæуы национ-культурон æхсæнæдты минæвæрттимæ.
Лекторæн йæ зæрды ис Æвзарæн къамисы уæнгтимæ фембæлын, ныхас рауайдзæн Паддзахадон университеты фæзтæй иуы. Рæгъмæ рахастæуыдзæн адæмты цард саразыны уæрæсейаг хуыз иу паддзахады мидæг. Æнæмæнг, лекцийы байхъусдзысты адæмтæ æмæ динты ‘хсæн ахастыты фарстатæм, уæрæсейаг паддзахады бирæнацион структурæ аразыны нысантæм.
РЦИ-Аланийы Сæргълæууæг
æмæ Хицауады пресс-службæ
