«Зонындзинæдты ихсæттæг-2026» дунеон наукон-рухстауæн проекты уæлахиздзаутæй иу, Дзæуджыхъæуы Кучиты Юрийы номыл 27-æм астæуккаг скъолайы фарæстæм къласы ахуырдзау Дарья Гордусенко ацы азы августы Цæгатаг полюсмæ экспедицийы ацæудзæн.
Æрæджы амынд проекты кæронбæттæн ерыстæ ацыдысты Мæскуыйы Адæмон хæдзарады æнтыстдзинæдты равдысты (ВДНХ-йы) музей «Атом»-ы. Конкурсы чи фæуæлахиз, не ’мзæххон чызг уыд Цæгат Кавказы федералон зылды уыцы командæйы уæнг.
Августы паддзахадон корпораци «Росатом»-ы атомон ихсæттæг нау «Уæлахизы 50 азы»-йыл арктикон экспедицийы чи ацæудзæн, бирæкъæпхæнон æвзæрстыты бæрæггæнæнтæм гæсгæ уыцы уæрæсейаг æмæ фæсарæйнаг скъоладзауты нæмттæ бæлвырдгонд æрцыдысты.
Нæ уацхæссæг
