2026 азы 27-28 августы Федералон территори «Сириус»-ы уыд физикæйы ахуыргæнджыты 5 Æппæтуæрæсеон съезд,уым архайдта Дзæуджыхъæуы 30-æм скъолайы физикæйы ахуыргæнæг Светлана Черных.
Уæрæсейы Федерацийы Рухсады министрад, Уæрæсейы Федерацийы Уæлдæр ахуырад æмæ наукæйы министрад æмæ Ахуырад æмæ наукæйы къабазмæ цæстдарæг федералон службæйы æххуысæй съезд саразыныл бацархайдтой Мæскуыйы физикон-техникон институт, Ахуырадон центр «Сириус», М.В. Ломоносовы номыл Мæскуыйы паддзахадон университет, Ядерон иртасæнты национ университет «МИФИ», Наукон иртасæнты центр «Курчатовы институт», Наукон-техникон университет «Сириус». Съезды куысты архайдтой 1300 минæвары, уыдонимæ 350 ахуыргæнæг æмæ эксперты Уæрæсейы Федерацийы 65 субъектæй.
Съезды архайджытæн арфæйы ныхæстæ загътой: Федералон территории «Сириус»-ы Советы Сæрдар, Ахуырадон Фонд «Талант и успех»-ы разамонæг Е.В. Шмелева, Уæрæсейы Федерацийы Рухсады министр С.С. Кравцов, «Рособрнадзор»-ы разамонæг А.А. Музаев, Уæрæсейы Федерацийы Уæлдæр ахуырад æмæ наукæйы министры хæдивæг Д.В. Афанасьев, Мæскуыйы физикон-техникон институты ректор Д.В. Ливанов, Ядерон иртасæнты национ университет «МИФИ»-йы ректор В.И. Шевченко.
Съезды архайджытæ байхъуыстой: Уæрæсейы наукæты академийы уæнг корреспондент, Курчатовы институты президент М.В. Ковальчук; Мæскуыйы физикон-техникон институты ректор Д.В. Ливанов; дунеон æхсæнхицауадты наукон-иртасæн организаци Ядерон иртасæнты иугонд институты директор, Уæрæсейы наукæты академийы академик Г.В. Трубников æмæ проект «Физика для всех»-ы наукон разамонæг И.В. Ященкойы мидисджын пленарон докладтæм.
Съезды ма раныхас кодтой скъолаты ахуыргæнæн ног чингуыты автортæ Ю.А. Панебратцев æмæ А.А. Киреев,стæй скъолаты физикæ ахуыргæнæн къамисты разамонджытæ.
Съезды дыууæ пленарон æмæ фондз секцион æмбырдты йæ архайджытæ байхъуыстой 50 доклад æмæ хъусынгæнинагæй фылдæрмæ.
Съезды архайджытæ æрныхас кодтой скъолайы физикæ ахуыр кæнынимæ баст бирæ æнæлыггонд фарстатыл æмæ снысан кодтой мадзæлттæ сæ аиуварс кæнынæн.
Æрмæг бацæттæ кодта Касаты Батрадз
