Хетæгкаты Къостайы номыл паддзахадон университеты разамынд хъавы Хуссар Ирыстоны паддзахадон университетимæ йæ бирæазыккон æмархайд уæлдæр, ногдæр æмвæзадмæ сисын. Уый тыххæй фехъусын кодта ЦИПУ-йы ректор Огъуаты Алан.
Проекттæн сæ фыццаг уыдзæн ирон æвзаг нымæцонмæ раивын æмæ мадæлон æвзаджы рæзт. Ныхас цæуы ахуыргæнæн ног чингуытæ рауадзыныл, нырыккон дзырдуæттæ бацæттæ кæныныл. Нырмæ уал Хетæгкаты Къостайы номыл паддзахадон университет «Яндекс»-имæ иумæ кусын райдыдтой, фæнды сæ Хуссар Ирыстоны университет дæр хъуыддагмæ æрбаиу кæнын.
Уымæй дарддæр хъавынц педагогтæ цæттæ кæнын æмæ сын сæ дæсныдзинад бæрзонддæр кæнын. Истори æмæ культурон бынты сæ зæрды ис Византийы, Рагон Уæрæсейы, Хъырымы, Астæуккаг Азийы историон бастдзинæдтæ иумæ иртасын. Ацы проект ЦИПУ райдыдта Севастополь æмæ Мæскуыйы паддзахадон университеттимæ иумæ. Хицæн æргом аздахдзысты Уæрæсейы чырыстон дин фыццаг райсæг паддзахад Аланимæ æмæ византиаг æмæ уырыссаг цивилизациты бастдзинад кæрæдзиимæ иртасынмæ.
Æмгуыстады бæрæг дардзæн туризм æмæ уазæгуарзондзинад, зæгъæм, ахуырадон программæты хæрзхъæддзинады фæрцы æмæ туризмæн кадртæ цæттæ кæныны. Хетæгкаты Къостайы номыл паддзахадон университет цæттæ у Хуссар Ирыстоны паддзахадон университетæн йæ наукон-ахуырадон фæрæзтæ раттынмæ. Цæгат Ирыстоны университеты кусынц диссертацион цыппар советы: педагогикæйæ, историон ахуырадæй, лингвистикæ æмæ экономикæйæ. Уымæй уæлдай, цæгатирыстойнаг ахуыргæнæндон уæлдæр ахуырадæн æрыгон специалисттæ цæттæ кæнынмæ рæвдз у.
Огъуаты Алан куыд фæбæрæг кодта, афтæмæй ЦИПУ-йы фæзуæттæ гом сты хуссайраг университеты иумæйаг проекттæн æмæ хъуыддæгтæн. Цы хъæппæристæ фæзыной, уыдон та бахæссæн уыдзæн æмгуыстады программæтæм.
ЦИПУ-йы пресс-службæ
