Регионы зынгсирвæзты-ирвæзынгæнджыты дæлхайæдты кусджыты размæ дыууæ боны дæргъы рахастой ахуырадон-методикон ногдзинæдтæ. Астæуккаг æмæ хистæр хицауиуæггæнæг службæгæнджытæ Æнæнхъæлæджы уавæрты министрады регионалон управленийы 1-æм ахуырадон пункты дæсныдзинады æппæт ног нысантæ базыдтой.
Дыууæ боны зынгсирвæзты-ирвæзынгæнæг службæйы разамонджытæ равзæрстой зынгсирвæзтæй бахъахъхъæнын, хæстон цауты архайын, газæй хайджын фæздæг уадзыны службæ саразын, æддагон объекттæ зынгсирвæзтæй бахизынæн доны æфсисад, службæйы æппæт уæнгты нывыл цæттæдзинад æмæ æндæр ахсджиаг хъуыддæгтæ. Уæлдай æргом аздæхтой æппæт уыцы хъуыддæгтæ практикон æгъдауæй скæнынмæ.
Ацы ахуырадон-методикон æмбырдтæ конд сты дыууæ хайæ, ома, теори æмæ практикæйæ. Лекциты фæстæ алчидæр йæ зонындзинæдтæ равдыста, кæронбæттæны скодтой хатдзæгтæ æмæ сæ размæ сæвæрдтой ног нысантæ. Ахæм æмбырдты фæрцы разамынддæттæг адæймæгты цæттæдзинады æмвæзад уæлдæр кæны. Æнæнхъæлæджы уавæрты министрады регионалон управленийы разамонæджы хæдивæг Владимир Бутэнко куыд фæбæрæг кодта, афтæмæй оперативон службæйы архайдæн йæ иумæйаг домæнтæ сты ахсджиаг, зынгсирвæзты-ирвæзынгæнджыты службæйы цæттæдзинад хъуамæ кæддæриддæр уа бæрзонд уавæры.
Æнæнхъæлæджы уавæрты министрады
регионалонуправленийы пресс-службæ
