Æрвылаз 7 октябры Архайды æппæтдунеон бон «За достойный труд!» профцæдистæ тырнынц фæллойгæнджыты æмбæлгæ бартæ æмæ интерестæ хъахъхъæнынмæ.
Фæллойæн нывыл мызд фидын, куысты æдас уавæртæ саразын, стæй, кусджыты æппæт хуызтæ профцæдистæ цæмæй саразой, уыдæттæн ахъаз кæнын кæй хъæуы, амынд бон Уæрæсейы профцæдисон змæлд паддзахады æргом уыдæттæм аздахы.
Акцийы фæткмæ гæсгæ, дзыллон мадзæлттæ æххæст кæныны хъуыддаг бахастой 2024-2026 азтæн профцæдистæ æмæ куыстдæтджыты æппæтуæрæсеон иугæндты, стæй Уæрæсейы Федерацийы Хицауады ‘хсæн сæйраг бадзырды хæстæ æххæст кæныны фæдыл бæстæйы Хæдбар профцæдисты федерацийы дзыллон мадзæлтты пъланмæ.
Æппæтæй фæкæсинагдæр кусджытæн æххуысмæ арæзт чи у, ацы аз Социалон-фæллойадон ахастдзинæдтæм цæстдарды уæрæсейаг æртæвæрсыг къамис (дарддæр – къамис) ахæм ахсджиагдæр фæндæттæ сфидар кодта. Документ амоны сæрмагонд æфсæддон операцийы архайджыты профессион, социалон æмæ психологион ахуырад (æфсæддон дæсныйæдтæ æмæ хæстон фæлтæрддзинад граждайнаг дæсныдзинадмæ кæй раивдзæн, уый нымайгæйæ), æнæниздзинады уавæры фæдыл гæрæнтæ кæй ис, уый хынцгæйæ.
Уымæй уæлдай, къамис сфидар кодта 50 азæй хистæр кусджытæн карьерон рæзтыл бакусыны фæдыл фæндæттæ (ног профессион цæттæдзинад æмæ нымæцон зонындзинæдтæ рахатыны хъуыддаг нымайгæйæ).
Бинонты хæстæ æвæрд кæуыл ис, профцæдистæ сæрмагонд æргом здахынц ахæм кусджытæн æххуысмæ. Профессион æмæ бинонты хæстæ баиу кæнынæн нывыл уавæртæ саразынæн ахъаз чи кæны, къамис ахæм фæндæттæ дæр сфидар кодта (куысты фæткы ивгæ хуызтæ, уæлæмхасæн отпусктæ, стæй, бирæсывæллонджын бинонтæ æмæ иунæгæй баззайæг ныййарджытæн материалон æмæ социалон æххуыс нымайгæйæ).
Амынд фæндæтты уагæвæрдтæ социалон æмгуыстады документтæм – коллективон бадзырдтæм, къабазон фидыдтытæ æмæ бынæттон нормативон акттæм – бахæссинаг кæй сты, профцæдис адæмы зæрдыл уый лæууын кæны. Социалон æмгуыстады системæйы фæрцы сæрмагонд æфсæддон операцийы ветерантæ, хистæр кары кусджытæ æмæ бинонты хæсимæ адæймæгтæн æцæг зæрдæдарæнтæ саразæн ис.
Культурæйы кусджыты профцæдис
