Æмбалады хуыздæр телеуынынад «Мир» æхсызгонæй сæмбæлд йæ равзæрды 34 азыл. Паддзахæдты хсæн телерадиокомпанийы сæрдар Радик Батыршин уацхæссæг Андрей Королевæн дзуры хуыздæр дунеон тардицитыл, кæнгæинтеллект эфиры йæхи куыд дары, уыдæттыл.
Фæлæ уал Радик Батыршин раздæр цыбыр дзуаппытæ радта уацхæссæджы фарстатæн, загъта, фылдæр чингуытæ кæй кæсы, уæгъд рæстæг ныртæккæ йæ къухты вæййы Донато Корризийы «Потерянные девушки Рима». Уарзы денджыз, уымæн æмæ йын йæ равг радзæбæх кæны, æрыгондзинад æмæ фæлтæрддзинады хсæн æвзары фæлтæрддзинад.
Æнæхъæн «Мир»-æн разамындæттыны тыххæй та загъта афтæ: « 19 азы размæ æрбацыдтæн телерадиокомпанимæ. Кæд æмæ мæхæдæг Æппæтуæрсеон радио æмæ телекомпанийæ æрбацыдтæн «Мир»-мæ, уæддæр тынг тарстæн, нæ зыдтон, мæ бон ацы командæ уæлдæр æмвæзадмæ сисын бауыдзæн, æви нæ…».
– Телерадиокомпани «Мир» уыдис æмæ ссис, цæмæй хицæн кæнынц замантæ?
– Мах Хæдбар Паддзахæдты Æмбалады, технологиты цæстæй акæсгæйæ, аразæм хуыздæр телеуынынад. Зæгъæм, Æмбалады нæ телеуынынад комкоммæ эфирмæ рацыд виртуалон студийæ. Кондадон тыгъдадон комплекс та уацхæссджытæн бар дæтты дунейы алы къуымтæй æрмæджытæ дæттынæн. Мæ хъуыдымæ гæсгæ Уæрæсейы ерысхъом базарады «Мир» ис раззагдæр дæс компаниты хсæн. Бындур ын чи сæвæрдта, уыцы паддзахæдты интерстæ хъахъхъæд цæуынц, сæйрагдæр у бæрц зонын.
– Радик, алы бæстæты «Мир»-мæ кæй кæсынц, уымæн йæ сусæгдзинад цæй мидæг ис?
– Сæ бон базонын у æппæт хабæрттæ, ис зонындзинæдтæ райсæн æмæ сæ спайда кæнæн. Уæдæ нæ телеуынынад зæрдæхæлар кæй у, уый дæр адæм базыдтой. О, æцæгдæр ис, мæнæ «зумер»-тæ кæй хонынц, фæсивæды ахæм фæлтæр. Уыдон классикон телеуынынадмæ нæ кæсынц. Мах сын сæ размæ хæссæм сæрмагонд контент – цыбыргонд видео «шортс»-тæ. Аразынц сæ телеуынынады дæсны кусджытæ, мæнæ сæ, хатыр бакæн, фæлæ цавæрдæр блогертæй нæ исæм. Кæсынц, хæрзхъæд конд цы æрцыд, уымæ. «Мир» та цы кæны, уый бæрзонд æмвæзадыл.
– «Алы бон дæр иумæ»-йы бындурыл дунеон телерадиокомпани «Мир» æрбаиу кодта дзыллон хабархæссæг фæрæзтæ. Ацы хъуыдыимæ алы бон дæр комкоммæ эфиры радиойы рацæуы «Мир 24» информацион программæ. Æрбаиу кæныны хъуыды цæй мидæг ис?
– «Мир» у, Æмхæлардзинады бæстæты æмæ Гуырдзыйы чи кусы, ахæм бирæнацион стыр компани. Мах дзурæм æмæ æвдисæм, нæхи зæрдæмæ цы цæуы, иннæтæн дæр ахсджиаг цы у, уый. Ома, иунæг бæстæйы телевизормæ кæсæг, радиомæ хъусæг кæнæ социалон хызтæй пайдагæнджытæ нæ, фæлæ æмхуызонæй. Кæнгæ интеллекты тыххæй та зæгъдзынæн афтæ: «Уый у, пайда цæмæй кæнæм, ахæм фæрæз. Машинæйы цалхы болтытæ къухæй дæр ис базилæн, ис пневматикон дæгъæлæй дæр спайда кæнæн. Алцыдæр баст у адæймаджы цæттæдзинадимæ, йæ дæсныдзинадимæ. Кæд æмæ контент кæнгæ интеллекты æххуысæй конд æрцыд, уæд бæрæг уыдзæн, автор ахуыргонддзинад хъуаг у æви курдиат».
– Дæ бон, Радик, рахатын у, контент кæнгæ интеллект скодта æви?
– Уайтагъддæр, фæлæ кæнгæ интеллекты фæрæзтæ хуыздæргæнгæ цæуынц. Зæгъæм, программæты хсæн каналтæ æнæ кæнгæ интеллекты технологитæй нал фидауынц. Нæ телерадиокомпани «Мир» æххæст у бирæ зæрдæхæлар традицитæй. Хæрзаудæн фондтæн æххуыс кæнæм, Сывæллæтты хъахъхъæныны бон эфир дæттæм сабитæн, фыццæгæм сентябры агъоммæ та «Зонындзинæдты бон телеуынынад æмæ радиойы тыххæй» скæнæм, æрхонæм уазджыты.
Ома, æрмæст Мæскуыйы нæ, фæлæ Минскы, Бишкекы, Баку æмæ нæ филиалтæ кæм ис, ахæм æндæр бæстæты. Алы бæстæты бархионтимæ зиуты архайæм, æфснайæм Хъаспы дæнджызы былгæрæттæ Азербайджаны, Хъыргъызты республикæйы Иссык-Кульы былтæ, Хъазахстаны хæххон кæмттæ, æппæт Æмбалады бæстæты садзæм тала бæлæстæ, уæдæ Доноры национ бон Мæскуыйы æмæ Ашуры бон Бакуйы раттæм туг.
— Куыд зонæм, афтæмæй дæхæдæг, Радик, рагæй дæр æмхиц дæ хæххон лыжæтæм. Хуыздæр курорттæ ма нын ранымай Хæдбар Паддзахæдты Æмбалады.
– Уый Алтайы – Манжерок, дарддæр – Красная Поляна, йæ фæстæ – Кемеровайы облæсты – Шерегеш, дарддæр – Азербайджаны – Шахлан. Уым 2024 азы уыдтæн æмæ дзы разыйæ баззадтæн, йæ трассæ дæр иттæг хорз у, сæ лæггæдтæ дæр бæрзонд æмвæзады сты.
– Бузныг, де ргом ныхасы тыххæй.
Куыд зонæм, афтæмæй Паддзахæдты ‘хсæн телерадиокомпани «Мир» у медиафæрæзты æмхæладзинад, йе уæнгтæ сты телеканалтæ «Мир», «Мир 24», радио «Мир», информацион портал МIR.24 TV æмæ социалон хызты аккаунттæ. Медиахолдинг æххæссы 180 милуан адæймагыл.
