Цæгат Ирыстоны сæйраг горæты бындуронæй рацарæзтой Жуковскийы номыл сывæллæтты парк.
«Æхсызгон уыдис, сывæллæттæн ног хъазæн фæз æмæ парчы фæлгонцад сæ зæрдæмæ кæй фæцыд, уый. Ныртæккæ ам у сыгъдæг, хæрзæфснайд, изæрыгæтты парк ног рухсæй цæхæртæ калы», — ныффыста йæ телеграм-каналы Дзæуджыхъæуы бынæттон хиуынаффæйады администрацийы сæргълæууæг Милдзыхты Вячеслав. Парчы ныртæккæ ис херытæ, хъазæн бынæттæ ногæй рацарæзтой, сæвæрдтой цæрæгойты æмæ аргъæутты персонажты скульптурæтæ, бандæттæ, ис дзы фонтан, парчы рацарæзт цыдис «Хæрзвадат горæтаг фалдзус скæныны» программæмæ гæсгæ.
Нæ уацхæссæг
