Æрæджы нæ республикæйы Мидхъуыддæгты министрады паддзахадон автоинспекцийы хицау Моурауты Таймураз, стæй Ветеранты советы минæвæрттæ Бестаты Аслæнбег æмæ Хадаты Агуыбе хæдзары бабæрæг кодтой автоинспекцийы хицауы раздæры фыццаг хæдивæг, къорд азы дæргъы Ветеранты советы сæрдарæй бакусæг, милицæйы отставкæйы булкъон
Хетæгкаты Никъалайы.
Нæ республикæйы Мидхъуыддæгты министрады Ветеранты советы фæндонæй Хетæджы-фырты схорзæхджын кодтой бæстæйы Мидхъуыддæгты министрады Цæгат Кавказы федералон зылды сæйраг управленийы Æхсæнадон советы майданæй.
Уазджытæ, мидхъуыддæгты оргæнты 86-аздзыд ветеранæн зæрдиаг арфæтæ йын ракæнгæйæ, лæвæрттæ радтой. Хетæгкаты Никъала хæдзармæ йæм æрбацæуæг адæмæн узæлды тыххæй бузныг загъта. Никъала паддзахадон автоинспекцийы баслужбæ кодта 1960 азæй 1996 азы онг, цалдæр азы дæргъы ахста автоинспекцийы регистрацион-фæлварæн хайады хицауы бынат.
РЦИ-Аланийы
Мидхъуыддæгты
министрады паддзахадон автоинспекцийы
пресс-службæ
