Уæрæсейы Тырысайы бон Уæрæсейы гвардийы Республикæ Цæгат Ирыстон-Аланийы управленийы æфсæддон службæгæнджытæ æмæ «Ирбис» ОМОН»-ы кусджытæ бабæрæг кодтой барадон хъахъхъæнæг-патриотон хъомылгæнинæгты фæлтæр «Патриот-25»-ы лагерь «Хæххон уæлдæф»-ы.
Пъæлицæйы хистæр сержант, Уæрæсейы дыууæ хатты æмæ РЦИ-Аланийы фондз хатты чемпион армхæстæй Ибрагим Б. сывæллæттæн скодта сæумæрайсомы зарядкæ, равдыста сын армхæсты фæзилæнтæ, стæй къорды тыхджындæр минæвæрттæн сарæзта ерыстæ. Сабитæ кæрæдзи ’хсæн сæ картæм æмæ сæ уæзтæм гæсгæ зæрдиагæй архайдтой уыцы ерысты. Уæлахиздзаутæн та кадджын уавæры раттой грамотæтæ æмæ спортивон хорзæхтæ.
ОМОН-ы хайад «Ирбис»-ы инженерон-техникон хайады кусджытæ сабитæн бæлвырд радзырдтой минæтæ æмæ, рæмудзæн æрмæджыты тæссаг фæдтæ кæм уа, уым хи куыд дарын, куыд архайын хъæуы. Ныхасæй уæлдай сывæллæттæн æвдыстой цæстуынгæ æрмæг. Радзырдтой ма сын бæстæйы паддзахадон символты истори æмæ сын балæвар кодтой ленты лыггæгтæ уæрæсейаг тырысайы хуызтимæ. Сабитæ зæрдæ бавæрдтой, кæй хъахъхъæндзысты ацы зæрдылдарæн символтæ, ведомствæйы минæвæртты уроктæ та кæй бахъуыды кæндзысты æхсызгонæй, ноджы ма дзырдтой, ацы чысыл символтæ æрмæст рæсугъддзинадæн кæй не сты, фæлæ ма, кæй нысан кæнынц нæ егъау бæстæйы, уыдон дæр йæ иучысыл хай кæй сты, уый.
Уæрæсейы гвардийы РЦИ-Аланийы управленийы пресс-службæ
