РЦИ-Аланийы Хицауады Сæрдар Дзанайты Барисы разамындæй министрты кабинеты уыд æмбырд. Ныхас бацахстой республикæйы социалон-экономикон рæзты фарстатæ.
Фидаргонд æрцыд «Æнæниздзинады уавæрæн ахадгæ медицинон реабилитаци»-йы регионалон программæ. Хъуыддаг конд цæуы национ проект «Дæргъвæтин æмæ сæрæн цард»-ы руаджы. Республикæйы граждæнтæ цæмæй фылдæр цæрой, уымæн хорз фæахъаз уыдзæн медицинон реабилитаци.
Медицинон æппæт лæггæдтæ хъуамæ уой фадатджын, хæрзхъæд, низты фæстиуджытæ аиуварс кæныны мадзæлтты фæстæ царды уавæртæ фæхуыздæр уыдзысты. Æнхъæлмæ кæсæн ис, æмæ 2030 азмæ низты фæстиуджытæ аиуварсгæнæг граждæнты нымæц 26,5 проценты фылдæр фæуыдзысты.
Программæйы сæйраг нысантæ сты, реабилитацийы структурæтæ кæм сты, уыцы медицинон организацитæ нырыккон хъæугæ аппараттæй сифтонг, медицинон æххуыс медицинон фæдзæхстады фæрæзты руаджы фæхæццæ, медицинон æххуыс раттыны фæрæзтæй телемедицинон технологиты структурæтæ саразын æмæ граждæнтæм æппæт хабæрттæ хæццæ кæнын.
Дзанайы-фырт куыд фæбæрæг кодта, афтæмæй регионалон программæ фидаргонд æрцыд æмæ медицинон реабилитацийы мадзæлттæ зынгæ фæхуыздæр уыдзысты. «Хъуамæ бæлвырдгонд æрцæуой рынчынты реабилитацийы бынæттæм ласыны фарста, кусæндæттæ сифтонг кæнын æмæ кадртæ цæттæ кæныны нысантæ. Республикæйы цæрджыты ‘хсæн инвалидты нымæц хъуамæ зынгæ фæныллæгдæр уа», – загъта Хицауады Сæрдар.
«Россети Цæгат Кавказ»-ы филиал «Цæгкавказэнерго»-мæ бадæттинаг, республикæ æмæ муниципалон скондты бæрны уæвæг, электрон хызты хæдзарады объектты хыгъдмæ ивддзинæдтæ хаст æрцыд. Цæрæнуатон-коммуналон хæдзарады ведомствæйы разамонæг Хъараты Тимур куыд радзырдта, афтæмæй асфальтæй гранултæ аразæг техникæ лæвар раттой Рахизфарсы районы исбонмæ. Хъарайы-фырты ныхасмæ гæсгæ, ныртæккæ фæлгонцгонд куыстытæ кæнынц Беслæны уæлмæрд «Зæдты горæт»-ы.
РЦИ-Аланийы Сæргълæууæг æмæ Хицауады пресс-службæ
