Уæрæсейы Экономикæйы уæлдæр скъолайы наукон-иртасæн лицейы сæрдыгон экспедицийы уæнгтæ дыууæ къуырийы дæргъы Дыгургомы Æрæфы доны дæлвæз кодтой иртасæн куыст.
Экспедицийы иу къорд цардис Мæхческы. Æрыгон лæппутæ æмæ чызджытæ бынæттон цæрджытимæ ныхас кодтой, æмбырд кодтой æрмæг, лæмбынæг интервьютæ райстой. Сæ иртасæн куысты темæтæ уыдысты дыгуры æгъдæуттæ æмæ традицитæ, сæ уырнындзинад æмæ ахуырады хицæндзинæдтæ.
14 июлы экспедицийы иртасджыты цыппар къорды алы рæттæй баиу сты æмæ кæрæдзийæн сæ проекттæ æмæ иртасæнты тыххæй радзырдтой.
Дæс боны Мæхческы чи уыд уазæгуаты, уыцы чызджытæ æмæ лæппутæ æрæмбырд кодтой хъæздыг æрмæг культурæ, дин, туризм æмæ бынæттон хæринæгты тыххæй. Сæ балцæй разыйæ баззадысты.
ХЪОЙБАЙТЫ Майрæн
