Уæрæсейы Федерацийы Президент Владимир ПУТИН Кремлы паддзахадон хæрзиуджытæ радта нæ бæстæйы футболон командæйы сæйраг тренер ЧЕРЧЕСТЫ Станиславæн æмæ командæйы уæнгтæн.
Не ‘мзæххон зындгонд тренерæн нæ бæстæйы раз йе сгуыхтдзинæдты тыххæй саккаг кодтой Александр Невскийы орден. Нæ бæстæйы футболон командæимæ фембæлынмæ, сæ арæхстджын хъазты тыххæй сын арфæ ракæнынмæ, паддзахадон хорзæхтæ сын раттынмæ рагæй бæллыд бæстæйы Президент. Уый арфæ ракодта нæ футболон командæйы сæйраг тренер Черчесты Станиславæн, футболон командæйы уæнгты алы чемпионаттæм арæхстджынæй кæй цæттæ кæнынц, стæй командæйы уæнгтæ уæлахизы фæндагыл кад æмæ радимæ кæй цæуынц, уый тыххæй. Путин ма уæлдай арфæйы ныхæстæ загъта хъахъхъæнæг Сергей Игнашевичæн. Уый 20 азы дæргъы хъазы футболæй нæ командæйы. Акодта дзы 127 хъазты.
“Æрæджы цы чемпионат уыд, уый уæлахизы дæр ис Сергейы стыр бавæрæн. Нæ футболисттæ финалы цыппæрæм хаймæ кæй рацыдысты, уый сын дарддæры æнтыстытæм разæнгарды хос кæй фæуыдзæн, футболуарзджыты аудындзинад, мæт æмæ сагъæс сыл разæнгардгæнæн базыртæ кæй басадздзæн, уый мæ уырны. Хъазты рæстæг не ‘ппæты дæр дисы æфтыдта уæ уды хъаруйы æнæсæтгæдзинад æмæ хорз хъазтмæ тырнындзинад”, — загъта йæ арфæйы ныхасы бæстæйы Президент
