Сланты Тимур хуыздæртимæ

0
394

 

Ирон зарæггæнæг Сланты Тимур рацыд æвзонг курдиæтты æппæтуæрæсеон æргом телевизион конкурс «Синяя птица — Последний богатырь»-ы кæронбæттæнмæ. Жюрийы уæнгтæ, не ‘мзæххон лæппу зарæг “Любовь настала” цы æвæджиауы хъæлæсæй акодта, уымæн стыр аргъ скодтой.

— Дæ хъæлæс фидарæйфидардæр кæй кæны, уый мын æхсызгон у. Цæуыл зарыс, уый иттæг хорз хатыс. Зарæггæнæджы курдиат дæм ис, — Тимуримæ ныхас кæнгæйæ, загъта Уæрæсейы адæмон артист Олег Погудин.

— Проекты архайгæйæ, мæт кодтон. Æртæ азы размæ конкурс «Синяя птица»-йы архайдтон. Фæстæдæр-иу проектмæ уазæджы хуызы арæх кæй æрбацыдтæн, уымæ гæсгæ бирæтæ æнхъæл уыдысты, æз дзы æрвылаз кæй архайын (худы). Ацы хатт конкурсы архайдтой иттæг курдиатджын лæппутæ æмæ чызджытæ. Ме ‘мбæстæгтæй мын чи баххуыс кодта, уыдонæй бузныг дæн, — зæгъы Сланы- фырты.

Сайт ptica.tv-йы фæрцы кæнæ, Тимуры 24 радон номыримæ смс-хъусынгæнинаг 1075 цыбыр номырмæ барвитгæйæ, Сланы-фыртыл схъæлæс кæнынæн фадат ис алкæмæн дæр. Телевизормæкæсджыты онлайн æмæ смс-хъæлæскæнынады бæрæггæнæнтæ баиу кæнынц.

«Киномæ сæрмагонд балцæг» райсгæйæ, конкурсы уæлахиздзау архайдзæн ног киноныв «Последний богатырь-2» сисыны хъуыддаджы.

ОСТАВЬТЕ ОТВЕТ

Please enter your comment!
Please enter your name here