Найынæн бар лæвæрд кæм нæй, ахæм рæттæ рабæрæг кæнынæн æрвылбон УФ-йы Æнæнхъæлæджы уавæрты министрады сæйраг цæгатирыстойнаг управленийы доны объектты адæмы æдасдзинады хайады кусджытæ æрвылбон доныбылты рад хæссынц.
— Раздæрау Хуымæллæджы доныбыл уыд бирæ адæм. Ацы цæугæдоны хи найын кæй не ‘мбæлы, фæлладуадзджытæй бирæтæ уый нæ зонынц. Хохаг цæугæдæтты хи найын тæссаг кæй у, адæмæн уый æмбарын кæнæм. Уæвæн ис, æмæ тæнæг хохаг цæугæдон цалдæр уысммæ раивылдзæн, — зæгъы хайады хицау Александр Данилов.
Ирвæзынгæнджытæ адæмимæ профилактикон куыстмæ здахынц стыр æргом. Адæймаг доны æдасдзинады фæтк куы не ‘ххæст кæна, уæд, уæвæн ис, æмæ хинайын фыдбылыз расайдзæн.
Амынд ведомствойы кусджытæ æппæт найæн афон доны объектты рад хæсдзысты. Уæрæсейы Æнæнхъæлæджы уавæрты министрады сæйраг цæгатирыстойнаг управлени республикæйы цæрджытæ æмæ уазджытæн фæдзæхсы доны объектты æдасдзинады домæнтæ æххæст кæнын. Ныртæккæ хи найын æмбæлы æрмæст Дзæуджыхъæуы æмæ Мæздæджы доны станцæты.
