Цæгат Ирыстоны арæзт æрцыд, ахуырадон кусæндæттæ ног ахуыры азмæ куыд цæттæ сты, уый бæрæггæнæг министрадты æмæ ведомствоты æхсæн къамис. Йе сконды сты регионы алыхуызон министрадты æмæ ведомствоты минæвæрттæ, уыимæ Уæрæсейы Æнæнхъæлæджы уавæрты министрады РЦИ-Аланийы Сæйраг управленийы кусджытæ дæр. Къамисы уæнгты ацы аз бабæрæг кæнын бахъæудзæн æппынкъаддæр 200 иумæйагахуырадон организацийы бæрц.
Къамис бæрæг кæны скъолаты техникон уавæр, антитеррористон æдасдзинад, материалон-техникон æфсисад, ахуырадон-техникон æрмæджытæй ифтонгдзинад, стæй, административон æмæ педагогон кадртæй куыд æххæст сты, уый. Сæрмагонд æргом здæхт цæуы зынгсирвæзты æдасдзинады фарстатæм. Хицæнæй куы зæгъæм, уæд бæрæггонд цæуынц бахъуыды рæстæг сывæллæтты фыдбылызы ранæй ракæныны фæндæгтæ. Хъуамæ зынгсирвæзты сигнал дæттыны автоматикон системæтæ уой рæвдз, æмæ сæ уый тыххæй афойнадыл хъæуы сцалцæг кæнын. Уымæй уæлдай, базилын хъæуы хъусын кæныны системæтæм дæр, æмæ сигнал зынгсирвæзтæй хъахъхъæнынады дæлхайады скусын кæныны системæтæм дæр, стæй, зынгсирвæзты ныхмæ æддаг донæфсисады гуырæнты куыст сбæрæг кæнын.
Бæрæггæнæн куыстыты рæстæг æнæмæнг уагæвæрды профилактикон куыст цæуы скъолаты ахуыргæнджытимæ дæр. Къамисы уæнгтæ сын аразынц консультацитæ, практикон фæлварæнтæ фыдбылызы бынатæй рацæуыны тыххæй. Куыд пълангонд цæуы, афтæмæй ахуырадон кусæндæттæ цæттæ уыдзысты 25 августмæ.
Уый тыххæй фехъусын кодта Уæрæсейы Æнæнхъæлæджы уавæрты министрады РЦИ-Аланийы Сæйраг управленийы пресс-службæ.
Нæ уацхæссæг
