Хъусæй хорз чи нæ хъусы, уыцы ирыстойнаг футболистты командæ «Алани» архайдта уæзхъус футболистты командæты æхсæн Уæрæсейы чемпионаты æмæ сси уæлахиздзау. Æдæппæтæй дзы архайдтой авд командæйы Мæскуыйы, Астраханы, Воронежы, Вологодскы, Дæллаг Новгороды облæсттæй, СанктПетербургæй æмæ Цæгат Ирыстонæй.
Ирыстоны командæ «Алани» сси ацы чемпионаты фæндзæм хатт чемпион. Уымæй сæвæрдта æндæр рекорд дæр: бакъуырдта 21 голы.
Чемпионаты не ‘мзæххонтæй нымад æрцыд хуыздæр дуаргæсыл Денис Проничев, хъахъхъæнæгыл — Бетал Абазов, хуыздæр размæбырсæг — Олег Бакланов, хуыздæр хъазæгыл Кочиты Аркади.
