Знон нæ бæстæйы æппæт регионты дæр фыстой этнографион диктант. Адæмты истори, культурæ, цардыуаг зонынæй нæ республикæйы цæрджытæм цы зонындзинæдтæ ис, уый рабæрæг кæныны тыххæй Дзæуджыхъæуы дæр æртæ раны, ЦИПУ-йы, ЦИППИ æмæ Национ наукон библиотекæйы, нæ республикæйы цæрджытæй кæй фæндыд, уыдон фыстой ацы диктант.
Уыд дзы дыууын æртæ фарсты. Уыдонæн дзуаппыты хуызы лæвæрд цыд цалдæр варианты, æмæ дзы хъуамæ диктант фыссæг равзæрстаид, растдæр æм дзы кæцы каст, уый. Фæрстытæ баст уыдысты нæ бæстæйы цæрæг адæмты культурæ, æвзаг, истори æмæ æгъдæуттимæ. Цæмæй ацы Æппæтуæрæсеон акцийы нæ республикæйы цæрджытæ æмбæлгæ хуызы бацархайой, ууыл зæрдиагæй бакуыстой РЦИ-Аланийы Национ хъуыддæгты фæдыл министрад, Хæлардзинады республикон хæдзар, ЦИПУ-йы æмæ ЦИППИ-йы разамындтæ.
Акцийы нысан у Уæрæсейы адæмты кæрæдзимæ æрбангомдæр кæнын, се ‘хсæн хæлардзинады, фидыды тæгтæ сфидар æмæ кæрæдзи культурæтæм цымыдисдзинад æвзæрын кæнын.
Диктанты хатдзæгтæ сбæрæг уыдзысты ацы азы 5 декабры.
ГАСАНТЫ Валери Къам систа ЦÆГÆРАТЫ Дауыт
