Цæгат Ирыстоны паддзахадон педагогон институты уырыссаг филологийы кафедрæйы уыд цæлхæмбырд ахæм темæйæ: «Æнæ ‘взаг адæм нæй». Сарæзтой йæ институты филологон факультеты æмæ Хæлардзинады хæдзары кусджытæ.
-Раныхас кодтой ЦИПИ-йы уырыссаг фи- лологийы факультеты ахуыргæнджытæ, педаго- гон наукæты кандидат, доцент Хуыгаты Фатимæ (цæлхæмбырд саразæг), историон наукæты кандидат Дзеранты Тимур, Хæлардзинады хæдзары директор Кочиты Георги, педагогон наукæты кандидат, ЦИПИ-йы ахуыргæнæг Фардзинты Мæдинæ, Хæлардзинады хæдзары директоры хæдивæг Хъайтыхъты Тамарæ.
Фембæлды архайджытæ æрдзырдтой мадæлон æвзæгты уавæрыл, историйыл æмæ сæ рæзты гæнæнтыл,поликультурон ахуырадыл, дунейы æвзæгты этикон æмæ эстетикон хæдхуыздзинадыл, кæрæдзимæ хæлардзинады цæстæй кæсыны хъуыддагæн мадæлон æвзæгтæ цы ахъаз сты, ууыл. Стæй байхъуыстой, институты филологон факультеты студенттæ дунейы номдзыд философты æмæ лингвистты цард æмæ рухсадон архайды тыххæй цы мидисджын докладтæ скодтой, уыдонмæ.
Цæлхæмбырд «Æнæ ‘взаг нæй адæм» арæзт æрцыд Мадæлон æвзæгты æппæтдунеон боны кадæн.
ГАСАНТЫ Валери
