Цӕгат Ирыстоны ахуырадон кусӕндӕтты 23-27 сентябры цӕуы фӕндаггон змӕлды ӕдасдзинады къуыри. Хъӕппӕрис равдыстой паддзахадон автоинспекцийы кусджытӕ. Уыдон ныййарджытимӕ, ахуыргӕнджытимӕ кӕнынц фӕндаггон-транспортон бӕллӕхтӕ ӕнахъомтимӕ фӕкъаддӕр кӕныны нысанимӕ алыхуызон хъуыддӕгтӕ.
Уыдоны ма архайдзысты ӕхсӕнадон организацитӕ ӕмӕ фӕндаггон змӕлды ӕвзонг инспекторты къордтӕ. Къуырийы дӕргъы конд цӕуынц ныййарджыты ӕмбырдтӕ, ацы темӕимӕ баст гом уроктӕ, конкурстӕ, ерыстӕ. Ӕппӕт ахуыргӕнӕн кусӕндӕтты 25 сентябры уыдзӕн фӕндаггон змӕлды ӕдасдзинады иумӕйаг бон.
Къуырийы дӕргъы скъолаты фӕзындзӕн фӕндаггон змӕлды уагӕвӕрдимӕ сӕрмагонд бынӕттӕ. Уымӕй уӕлдай дзы уыдзӕн фӕндаггон ӕдасдзинады паспорттӕ, скъолатӕм хӕстӕг фӕндӕгты ӕдасдзинады схемӕтӕ. Уӕдӕ ма скъолаты сайтты дӕр равӕрдзысты ӕдасдӕр фӕндӕгты номхыгъдимӕ цӕстуынгӕ ӕрмӕджытӕ.
РЦИ-Аланийы паддзахадон автоинспекцийы пресс-службӕ
