Дзӕуджыхъӕуы Рахизфарсы префектурӕ ӕмӕ Фӕндӕгтыл ӕдасӕй цӕуыны паддзахадон инспекци сарӕзтой фӕсивӕдон акци «Санитарон экологион десант».
Горӕты фӕндӕгты санитарон сыгъдӕгдзинад хъахъхъӕнинаг у, зӕгъгӕ, афтӕ фыст кӕм уыд, Китайаг фӕзы Цӕгат Кавказы хӕххон-металлургон институты студенттӕ адӕмӕн, ахӕм зӕрдылдарӕн сыфтӕ лӕвӕрдтой. ӕртӕ азы размӕ амынд префектурӕ кӕй расидт, уыцы акци «Санитарон экологион десант» Цӕгат Ирыстоны Сӕргълӕууӕг Битарты Вячеслав банымадта хорзыл.
— Нӕ хӕс у санитарон нормӕтӕ ӕххӕст кӕныныл нӕ кӕстӕрты ахуыр кӕнын, рӕзгӕ фӕлтӕр сыгъдӕгдзинад куыд хъахъхъӕной, афтӕ, — зӕгъы Рахизфарсы префектурӕйы разамонӕджы фыццаг хӕдивӕг Дзотты Ацӕмӕз.
— Горӕты уынгты сыгъдӕгдзинады нормӕтӕ ӕххӕстгӕнинаг кӕй сты, уый адӕмы зӕрдыл ноджыдӕр ма иу хатт ӕрлӕууын кӕнынӕн ацы акцийы архайынмӕ рацыдыстӕм, — зӕгъы амынд ахуыргӕнӕндоны студент Туаты Давид.
Дзӕуджыхъӕуы администрацийы пресс-службӕ
