РЦИ-Аланийы Хицауад радон хатт сфидар кодта, зындгонд ахуыргонд Абайты Васо ӕмӕ поэт Плиты Грисы номыл сӕрмагонд стипендитӕ чи исдзӕн, уыцы фӕсивӕды номхыгъд.
Афтӕ, республикӕйы Хицауады уынаффӕйӕ 2019-2020 ахуыры азы Абайты Васойы номыл стипенди исдзысты: Цӕгат Ирыстоны Абайты Васойы номыл гуманитарон ӕмӕ социалон иртасӕнты институты хистӕр наукон кусӕг Дзапарты Елизаветӕ, стӕй Цӕгат Ирыстоны Хетӕгкаты Къостайы номыл паддзахадон университеты ирон филологийы факультеты магистратурӕйы 2-ӕм курсы студенткӕ Хуырымты Дианӕ ӕмӕ филологон факультеты магистратурӕйы 2-ӕм курсы студенткӕ Бекъойты Янӕ.
Плиты Грисы номыл стипендитӕ та саккаг кодтой Цӕгат Ирыстоны Хетӕгкаты Къостайы номыл паддзахаон университеты ирон филологийы факультеты бакалавриаты 2-ӕм курсы студенткӕтӕ Дзебойты Азӕ ӕмӕ Боциты Данӕйӕн, стӕй Цӕгат Ирыстоны паддзахадон педагогон институты филологон факультеты 2-ӕм курсы студенткӕ Уаниаты Заремӕйӕн.
Нӕ уацхӕссӕг
