Дзауы районы администрацийы пресс-службӕ куыд хъусын кӕны, афтӕмӕй горӕт Къуайсайы цӕрӕнуӕтты-коммуналон хӕдзарады кусджытӕ бирӕфатерон хӕдзӕртты пъадвӕлтты ивынц донуадзӕн хӕтӕлтӕ.
— 35 азмӕ Къуайсайы цыппар бирӕфатерон хӕдзары пъадвӕлтты донуадзӕн хӕтӕлтӕ баихсыдысты. Баивтам уал дзы ӕртӕ хӕдзары хӕтӕлтӕ, рӕхджы цыппӕрӕм хӕдзармӕ дӕр бавналдзыстӕм. Сцалцӕг ма кодтам, кувӕндонмӕ цы 25 километры дӕргъӕн фӕндаг цӕуы, уый дӕр, стӕй баивтам иу хӕдзары сӕр, — зӕгъы администрацийы пресс-службӕйы минӕвар.
Къуыдаргомы центр горӕт Къуайса 1947 азы сӕвзӕрд здыйы ӕмӕ цинчы ӕрзӕты хъӕздыг ӕвӕрӕнты фӕрцы. Дыууадӕс азы размӕ раздӕры поселок Къуайсайӕн радтой горӕты ном. Республикӕйы разамынд ын йӕ цардифтонгады фарстытӕм здахы стыр ӕргом.
