2019 азы Хуссар Ирыстоны зӕхкусджытӕ тыллӕг бафснайдтой 2500 гектарӕй.
Ахӕм нымӕцтӕ Цхинвалы йӕ пресс-конференцийы рӕстӕг фехъусын кодта республикӕйы Хъӕууон хӕдзарады министрады зайӕгойты куыстад ӕмӕ механизацийы управленийы хицау Мулдарты Игорь.
«Зӕхкусджытӕ афойнадыл бафснайдтой сӕ фӕззыгӕнд ӕмӕ уалдзыгӕнд культуртӕ. Ӕфсирджын хортӕй уӕлдай ӕрзайын кодтой картоф, нартхор, хъӕдур ӕмӕ афтӕ дарддӕр. Куыстытӕ ахицӕн сты сентябры», — радзырдта Мулдары-фырт.
Йӕ ныхасмӕ гӕсгӕ, ацы бонты конд цӕуынц фӕззыгон-быдырон куыстытӕ. Хӕдзарӕдты уал ныридӕгӕн бахуым кодтой 1700 гектары. Уыдонӕй 356 гектарыл байтыдтой фӕззыгӕнд культуртӕ.
(Информацион агентад «Рес»)
