Дзӕуджыхъӕуы администраци расидт Ног азы бӕрӕгбоны агъоммӕ хӕдзӕрттӕ ӕмӕ коммерцион бӕстыхӕйттӕ хуыздӕр сфӕлындыны конкурс.
Уӕлахиздзаутӕ рабӕрӕг уыдзысты мӕнӕ ахӕм номинацитӕм гӕсгӕ: «Коммерцион структурӕты бӕстыхӕйтты хуыздӕр ногазон фӕлындынад», «Бирӕ хуыздӕр ногазон фӕлындынад», «Бирӕфатерон хӕдзары хуыздӕр ногазон фӕлындынад ӕмӕ Хицӕн адӕймаджы хӕдзары хуыздӕр ногазон фӕлындынад».
Конкурсы сӕйраг хӕс у Ног азы ӕмӕ Цыппурсы бӕрӕгбӕтты агъоммӕ горӕты ӕддаг бакаст фӕнывылдӕр кӕнын.
Конкурсы архайын кӕй бафӕнда, уый хъуамӕ 23 декабрмӕ къамтӕ кӕнӕ видео-ӕрмӕджытӕ ӕрбарвита Дзӕуджыхъӕуы администрацийы культурӕйы управленийы посты электронон адрис uk.vladikavkaz@yandex.ru.-мӕ.
Сӕрмагонд къамисы уӕнгтӕ конкурсы бӕрӕггӕнӕнтӕ бахынцдзысты ацы азы фӕстаг къуыри. Уӕлахиздзауты ӕвзаргӕйӕ, жюрийы уӕнгтӕ нымайдзысты дизайнерон уынаффӕты ӕрхъуыдыдзинад ӕмӕ бӕстыхӕйттӕ рухсӕй хуыздӕр саив кӕныны ӕууӕл.
Нӕ уацхӕссӕг
