- Æхсæнадон бынæттæм, базарадон центртæм, спортивон æмæ хиирхæфсæн æндæр мадзæлттæм рæстæгмæ мауал цæут, къаддæр пайда кæнут æхсæнадон транспортæй.
- Æхсæнадон бынæтты уæвгæйæ, цæсгомыл дарут, иу хаттæй фылдæр пайдагæнæн кæмæй нæй, ахæм медицинон маскæ. Ивын æй хъæуы алы 2—3 сахаты дæр.
- Карз респираторон вирусон инфекци (ОРВИ)-йы бæрæггæнæнтæ кæмæ ис (хуыфгæ, æхснырсгæ чи кæны, йæ фындзы дон кæмæн уайы), ахæм адæймагмæ хæстæг ма цæут.
- Уынгæй æрбацæугæйæ, кæнæ искæй къух райсыны фæстæ уæ къухтæ сапонæй æхсут. Æхсын сæ хъæуы бæстонæй, иу 20 секунды дæргъы.
- Дезинфекци чи кæны, ахæм донæй рæстæгæй-рæстæгмæ асæрфут уæ телефонтæ, планшеттæ, æндæр оргтехникæ, къухæй цæмæ бавналут, уыцы предметтæй алкæмæн дæр сæ сæртæ.
- Гæнæн æмæ амалæй, кæрæдзийы къухтæ исын нæ хъæуы, хъæбыс дæр — афтæ.
- Пайда кæнут æрмæстдæр хи гигиенæйы предметтæй (хисæрфæн, дæндæгтæхсæн щеткæ æмæ æнд.).
Ног коронавирусы инфекци (COVID-19) æмæ хуымæтæг гриппы бæрæггæнæнтæ сты иу:
буары бæрзонд тæвд;
сæры рыст;
адæймаг йæхи æнкъары тынг лæмæгъ;
хуыфæг;
тыхулæфт;
буары рыст;
зæрдæ хæццæ кæны;
адæймаг омын райдайы;
гуыбын фæтæнæг вæййы.
Коронавирусы инфекци йæм фæхæццæ, зæгъгæ, уымæй гуырысхойаг адæймаг йæхи куыд хъуамæ дара?
Фыццаджыдæр, хæдзарæй æддæмæ мауæл цæуæд. Йæхи гыццылдæр æвзæр æнкъары, зæгъгæ, уæд, æнæмæнг, хъæуы дохтыры æххуыс бацагурын æмæ йын радзурын, фæстаг дыууæ къуырийы дæргъы адæймаг кæм уыд, кæимæ йын уыд ахастытæ, æппæт уыдæттæ. Дохтыр рынчынæн цы бацамона, уыдон сты биноныгæй æххæстгæнинаг.
Дыккаджыдæр, æнæниз адæммæ хæстæг мауал цæуæд, уæлдайдæр ацæргæ адæммæ æмæ, дзæвгар рæстæджы дæргъы æндæр низтæй дæр ма чи хъæрзы, ахæм адæймæгтæм. Рынчынмæ хъуамæ зила æрмæстдæр иунæг адæймаг.
Æртыккаджы, хуыфгæ æмæ æхснырсгæйæ, цæсгом хъæуы ахгæнын, иу хаттæй фылдæр пайдагæнæн кæмæй нæй, ахæм салфеткæ кæнæ фындзы кæлмæрзæнæй. Уыдон къухы бын куы нæ разыной, уæд та, хуыфгæ кæнæ æхснырсгæйæ, цæсгом ахгæнын æмбæлы рæмбыныкъæдзæй.
Цыппæрæмы уый, æмæ пайда кæнæд æрмæстдæр хи гигиенæйы предметтæй æмæ, иу хаттæй фылдæр пайдагæнæн кæмæй нæй, ахæм къустæ æмæ тæбæгътæй.
Æмæ фæндзæмы, хæдзар арæхдæр уымæлæфснайд кæнут, æфснайгæйæ пайда кæнут дезинфекцигæнæн фæрæзтæй. Сыгъдæг уæлдæф мидæмæ арæхдæр уадзут.
Ацы амынддзинæдтæ биноныгæй æххæст кæнут æмæ канд ног коронавирусæй нæ, фæлæ грипп æмæ æндæр карз вирусон хæцгæ низтæй уæхи бахъахъхъæндзыстут.
Æнæниз ут!
Медицинон профилактикæйы
республикон центр
