Ныртæккæ нæ республикæйы регистрацигонд ис 105 мин адæймаджы (ныхас цæуы бындурон цалцæгкæнынады республикон программæмæ хаст фатертыл). 2015 азы Цæгат Ирыстон бындурон цалцæгкæнынады программæ æххæст кæнын куы райдыдта, уæдæй нырмæ абонентты хæсы иумæйаг бæрц рауад 1,4 миллиард сомы.
Æмткæй райсгæйæ, бындурон цалцæгкæнынадæн фиддонтæ æмбырд кæныны хъуыддаджы æрцыд æвæрццæг ивддзинæдтæ. Ацы аз февралы фиддонтæ æмбырд кæныны къæпхæн 34 проценты онг фæуæлдæр кæнын бантыст. Апрелы æмæ майы гæрæнæвæрæн мадзæлттæ арæзт кæй æрцыдысты, уый аххосæй уыцы къæпхæн 21 проценты онг фæныллæгдæр, июны та фиддонтæ æмбырд кæныны къæпхæн 31 проценты онг фæфылдæр.
Хæс исыны куыст дарддæр цæуы. Ацы аз бындурон цалцæгкæнынады регионалон оператор барвыста, æмткæй райсгæйæ, 34,5 милуан сомы бæрц хæс бадомыны тыххæй тæрхондон уынаффæтæ рахæссыны фæдыл 2 мин хъастæй фылдæр.
— Адæмæн æххуысы мадзæлттæ нымайгæйæ, ацы аз æнæфыст фиддонты тыххæй ивартæ нымайыны фæткæн иннæ аз 1 январы онг кæрон сæвæрдтам. Рын нымайгæйæ, царды зын уавæры чи бахауд, амынд мадзал уыцы адæмæн фæпайда уыдзæн. Бындурон цалцæгкæнынады тыххæй фиддон бафидыны фадат кæмæн ис, уыцы адæм æй афоныл бафидæнт, цæмæй сæм хæстæ ма бамбырд уой, афтæ, — зæгъы «Цæгат Ирыстоны бирæфатерон хæдзæртты бындурон цалцæгкæнынады фонд»-ы генералон директоры хæстæ æххæстгæнæг Ногъайты Алан.
Фиппаинаг: 2021 азы январæй фæстæмæ пенятæ æмæ ивартæ ногæй нымайын райдайдзысты.
Иринæ ГОРБУНОВА
