УФ-йы Хицауады Сæрдар Михаил Мишустин цы Уынаффæ бафыста, уымæй сфидар кодта электронон фæллойадон чингуыты тыххæй уагæвæрд.
«Гæххæттын фæллойадон чиныгæн цы ахадындзинад ис, уыцы нысаниуæг нырæй фæстæмæ уыдзæн ацы ахсджиаг документы электронон хуызæн дæр. Ныронг кусæг адæймаджы тыххæй гæххæттыл фыстæй цы бæрæггæнæнтæ æмбырдгонд цыдысты, уыдон нырæй фæстæмæ хыгъд цæудзысты электронон хуызы дæр. Уыимæ, нырæй фæстæмæ алкæцы адæймагæн дæр йæ фæллойадон чиныджы электронон хуыз фенæн уыдзæн УФ-йы Пенсион фонды официалон сайты «хи кабинеты», — загъд ис Хицауады Уынаффæйы.
Адæмы зæрдыл лæууын кæнæм: 2020 азы 31 декабры онг алкæцы адæймаг дæр йæхицæн хъуамæ сбæлвырд кæна нырæй фæстæмæ фæллойадон чиныджы кæцы хуызæй (гæххæттын кæнæ электронон) пайда кæндзæн, уый. Уый фæдыл адæймаг хъуамæ сæрмагонд куырдиат бадæтта куыстдæттæг организацимæ. Уыимæ, ног уагæвæрд адæймагæн дæтты дарддæр дæр фæллойадон чиныджы гæххæттын хуызæй пайда кæныны фадат.
(«РИА-Ногдзинæдтæ»)
