Цæгат Ирыстоны Тагъд медицинон æххуысы станцæйы разамонæг КАЛОТЫ Аланæ куыд фехъусын кодта, афтæмæй нæ республикæйы медицинон æххуысы фæдыл бахатæг адæмы нымæц дыууæ хатты фæкъаддæр.
Апрел æмæ-иу майы суткæйы дæргъы адæм ацы станцæмæ медицинон æххуысы фæдыл бахатыдысты мин хаттæй фылдæр, ацы мæй та — тæккæ фылдæр 650 хатты. Фæлæ цыфæндыйæ дæр медицинон кусæндæттæ раздæрау кусынц карзгонд фæткмæ гæсгæ. Медиктæ æххæст кæнынц хицæнæй хъахъхъæнынады æппæт домæнтæ лæр. Æрвылбон тагъд æххуысы 32 бригады куыстмæ рацæуынц (хæрзхъæд медицинон æххуыс бакæнынæн уый фаг у).
Улæфæнты карз низты æвдисæнтимæ рынчынты нымæц дæр фæкъаддæр, фæлæ, специалистты ныхасмæ гæсгæ, цыфæндыйæ дæр хъахъхъæнынады домæнтæ раздæрау æххæстгæнинаг сты.
Медицинон кусæндон æппæт хъæугæ кусæнгæрзтæ æмæ хостæй ифтонггонд у. Кусджыты кадавар банымайæн ис сæйраг лыггæнинаг фарстыл. «Уæлдæр æмæ астæуккаг медицинон ахуырадимæ кусджытæ хъуаг стæм. Педиатрийы æнæмæнг баххæстгæнинаг специалитет кæмæ ис, куыстмæ ахæм адæмы исæм. Адæймагмæ тагъд медицинон æххуысы тыххæй сертификат кæд нæй, уæд терапийæ, хирургийæ, анестезиологи æмæ реаниматологийæ ординатурæ кæнæ интернатурæ каст фæуыны тыххæй сертификат фаг у», — зæгъы Калоты Аланæ.
Нæ уацхæссæг
