Ацы аз 66 цæгатирыстойнаг скъолайы æмæ колледжы райсдзысты ног техникæ. Национ проект «Ахуырад»-мæ хауæг федералон проект «Нымæцон ахуырадон уавæртæ»-мæ гæсгæ ног ифтонггæрзтæ балхæнынæн федералон æмæ республикон бюджеттæ радих кодтой 149 милуан сомы.
Ахуырады хæрзхъæддзинад фæнывылдæр кæнынæн республикæйы 66 ахуыргæнæндоны фæзындзæн компьютерон техникæ. Ахуыргæнджытæ æмæ скъоладзаутæн æдæппæт балхæндзысты 3001 ноутбукы, 74 бирæкъабазджын ифтонггарзы æмæ 151 интерактивон комплексы.
— Фарон проект æххæст кæнын куы райдыдтам, уæд сифтонг кодтам дæс ахуыргæнæндоны. Скъолаты компьютерон техникæ рагæй у нывылгæнинаг. 2020 азы кæронмæ национ проект «Ахуырад»-ы фæрцы 163 ахуыргæнæндоны сифтонг кæндзыстæм ног кусæнгæрзтæй, æмæ афтæмæй республикæйы æппæт скъоладзаутæн дæр уыдзæн хæрзхъæд ахуырад райсыны фадат, — загъта Цæгат Ирыстоны ахуырад æмæ наукæйы министр Людмилæ Башарина.
Ныридæгæн ифтонггæрзты фылдæр хай республикæмæ æрбафтыд. Проект «Нымæцон ахуырадон уавæртæ» æххæст кæндзысты 2022 азы онг. Республикæйы ноджыдæр ма 87 ахуыргæнæндоны ифтонггонд æрцæудзысты 193 милуан сомы аргъ ног компьютерон техникæйæ.
Фиппаинаг: ацы аз национ проект «Ахуырад»-мæ гæсгæ нæ республикæйы байгом уыдзысты нымæцон æмæ гуманитарон къабæзты 42 центры, нымæцон ахуырады центр «IT-куб», мобилон технопарк «Кванториум», Мæздæджы та — сывæллæтты технопарк «Кванториум».
РЦИ-Аланийы Ахуырад æмæ
наукæйы министрады пресс-службæ
