Мемориалон фӕйнӕг — Фӕрниаты Къостайы номыл

0
101

Знон Дзӕуджыхъӕуы мемориалон фӕйнӕг байгом кодтой зындгонд фыссӕг Фӕрниаты Къостайӕн. Кадджын мадзалы архайдтой Къостайы хиуӕттӕ ӕмӕ ‘рвадӕлтӕ, йӕ зонгӕтӕ, республикӕйы Фысджыты цӕдисы уӕнгтӕ, ахуырдзаутӕ.

— Абон Фӕрниаты мыггагӕн у зӕрдылдарӕн бон, — загъта мыггаджы ӕххӕстгӕнӕг советы сӕргълӕууӕг Фӕрниаты Витали. — Нӕ уарзон, нӕ цардхъуаг ӕфсымӕрӕн, Ирыстоны хъӕбулӕн, зындгонд фыссӕг Фӕрниаты Къостайӕн гом кӕнӕм мемориалон фӕйнӕг. — Мах, Фӕрниаты мыггаг, архайӕм, цӕмӕй кӕстӕртӕй йӕ ном рох ма уа. Афтӕ 2018 азы, Фӕрнионы райгуырды 110 бонмӕ мыхуыргонд ӕрцыдис йӕ уацмысты ӕмбырдгонд дыууӕ томӕй уырыссаг ӕмӕ ирон ӕвзӕгтыл.

Ӕмбырды Къостайы цард ӕмӕ сфӕлдыстады тыххӕй сӕ хъуыдытӕ загътой Агънаты Гӕстӕн, Хетӕгкаты Оксанӕ, Цгъойты Хазби, Къадзаты Славик, Цомартаты Изӕтбег ӕмӕ Гусалты Барис. Хъыгагӕн, Къостайӕн йӕ цард уыдис цыбыр, фӕлӕ ахорӕнтӕй хъӕздыг. Уый йӕ зӕрдӕмӕ хӕстӕг айста ног цард, уыдис йӕ аразджыты фыццаг рӕнхъыты. Фӕлӕ йыл йе знӕгтӕ хахуыртӕ фӕфыстой, ӕмӕ 1937 азы ахст ӕрцыд, куыд адӕмы знаг, афтӕ ӕмӕ йын марыны тӕрхон рахастой.

Афтӕ 29-аздзыдӕй йӕ цардӕй ахицӕн Къоста, фӕлӕ йӕ фӕстӕ ныууагъта арф ӕмӕ рӕсугъд фӕд.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here