Дзӕуджыхъӕуы 19-ӕм микрорайоны дарддӕр арӕзт цӕуы сывӕллӕтты ног рӕвдауӕндон.
Уый тыххӕй журналисттӕн фехъусын кодтой РЦИ-Аланийы Арӕзтад ӕмӕ архитектурӕйы министрады пресс-службӕйы.
Пресс-службӕйы минӕвары ныхасмӕ гӕсгӕ, рӕвдауӕндоны уыдзӕн 280 бынаты.
«Зӕгъӕн ис, ӕмӕ ныридӕгӕн ахицӕн рӕвдауӕндоны ӕппӕт 5 бӕстыхайы арӕзтад дӕр. Ныртӕккӕ подрядон компанийы бригадтӕ бавнӕлдтой къултӕсӕрдӕн ӕмӕ ӕндӕр ахӕм мидӕггаг ӕмӕ ӕддагон куыстытӕм. Сӕрмагонд бригад та архайы бассейныл. Рӕвдауӕндоны кӕрты ӕрбынӕттон уыдзысты хъазӕн ӕмӕ культурон фӕзтӕ дӕр», — радзырдта министрады кусӕг.
Зӕгъын хъӕуы, дзӕуджыхъӕуккаг ног рӕвдауӕндон фыццаградон национ проект «Цӕрӕнуӕттӕ ӕмӕ горӕтаг алфамбылай»-ы арӕзт кӕй цӕуы, уый дӕр.
Нӕ уацхӕссӕг
