Хъылмайæ хи бахъахъхъæнынæн

0
44

Наркотикты ныхмæ проект «Удæгас горæт» æххæст кæныны хъуыддагмæ стыр æвæрæн бахæссыны тыххæй Республикæ Цæгат Ирыстон-Аланийы Парламенты Сæрдар Алексей МаЧнев раарфæ кодта нæ республикæйы Мыхуыры хъуыддæгтæ æмæ дзыллон коммуникациты комитеты сæрдары хæдивæг ГÆбÆлаты Мæдинæ, стæй амынд проектмæ цæстдарæг Уалыты Екатеринæйæн.


Фарон амынд комитет кæй сæххæст кодта, наркотикты ныхмæ уыцы проект «Удæгас горæт»-мæ гæсгæ скуыстой наркотикты ныхмæ интерактивон Интернет-портал æмæ социалон хызты тематикон аккаунттæ. Уымæй уæлдай, амынд проектмæ хауæг æрмæджытæ æвдыстой национ телекомпани «Осетия-Ирыстон»-ы, стæй сæ хъусын кодтой радио «Алания FM»-ы. Цæгат Ирыстоны паддзахадон программæ «2015-2021 азты психоактивон буаргъæдтæй æнæзакъонæй пайда кæнынæй бахизыны æмæ æнæ дохтыры амынддзинæдтæй психоактивон буаргъæдтæй пайдагæнæг адæмы реабилитацийы фæдыл комплексон мадзæлтты» фæткмæ гæсгæ проект æххæстгонд æрцыд Республикон наркологон диспансеримæ иумæ.

Наркотикты ныхмæ паддзахадон программæ æххæст кæныны фæрцы лæвæрд æрцыдысты наркотикты ныхмæ темæйыл хуыздæр журналистон куысты тыххæй преми æмæ дзыллон хабархæссæг фæрæзты наркотикты ныхмæ проектæн æххуысы фæдыл грант. Уымæй уæлдай, сарæзтæуыд наркотикты ныхмæ социалон плакаты конкурс.

— Республикæ Цæгат Ирыстон-Аланийы Сæргълæууæг Битарты Вячеславы æмæ Наркотикты æнæзакъон зилдухы ныхмæ тохы къамисы аппараты разамонæг Луизæ Лебедевайы æххуысы, стæй наркотикты ныхмæ паддзахадон программæйы фæрцы фадат уыд проект «Удæгас горæт» сæххæст кæнынæн. Проекты зæрдиагæй архайыны тыххæй национ телекомпани «Осетия-Ирыстон»-ы кусæг, телепроект «Удæгас горæт»-ы автор Тамарæ Безугловайæн, паддзахадон телерадиокомпани «Алани»-йы радиохъусынынады службæйы хицау Джыккайты Заремæ, компани «Смарт Студио», проект социалон хызты æххæст кæныны фæдыл æмгуыстгæнджытæ æмæ Республикон наркологон диспансеры сæйраг дохтыр Газайты Алыксандрæн — бузныг, — загъта Гæбæлаты Мæдинæ.

Дзыллæтæ наркотиктæй пайда кæныны миниуæг æвзæрыл цæмæй банымайой æмæ адæмы æнæниздзинадæн знаггадхæссæг миниуæгæй хызт цæмæй æрцæуа, «Удæгас горæт»-ы хуызæн иумæйаг проекттæ уымæн ахъаз кæнынц.


Нæ уацхæссæг

 

ОСТАВЬТЕ ОТВЕТ

Please enter your comment!
Please enter your name here