Цӕгат Ирыстоны культурӕйы министры хӕстӕ рӕстӕгмӕ ӕххӕстгӕнӕг Къубалты Эльбрус Дыгуры драмон театры актертӕн театралон аивады къабазы сгуыхтдзинӕдты тыххӕй паддзахадон хӕрзиуджытӕ радта.
Гобеты Хетӕгӕн саккаг кодтой Цӕгат Ирыстоны адӕмон артисты, Бесаты Викторияйӕн та — нӕ республикӕйы сгуыхт артисты ном.
Уымӕй уӕлдай, Дӕгуйты Ларисӕ, Хадаты Зӕлинӕ ӕмӕ Цӕллаты Владимир хорзӕхджын ӕрцыдысты Цӕгат Ирыстоны Кады грамотӕтӕй.
РЦИ-Аланийы Культурӕйы министрады пресс-службӕ
