Куыстылæудæн æххуысы фæзуæттæ

0
176

Цæгат Ирыстоны царды уадзын райдыдтой «Куыстылæудæн æххуыс кæнын»-ы федералон проект. Йæ регионалон оператор республикæйы у РЦИ-Аланийы профессион цæттæдзинадыл тагъддæр кусыны центр.

Лæвар, ахуыр кæнæн ис «WoldSkills Russia», зæгъгæ, ахæм стандарттæм гæсгæ, æмæ арæзт цæуы УФ-йы Социалон хъахъхъæнынады æмæ фæллойы æмæ куыстылæуды федералон службæйы æххуысæй. Проект кусын райдыдта апрелы æмæ фæуыдзæн 2022 азы декабры. Ацы рæстæгмæ пълангонд цæуы 378 адæймаджы сахуыр кæнын.

Граждæнтæн ахуыртæ цæуынц аст фæзуатыл, уыимæ астæуккаг профессион ахуырады кусæндæтты: Цæгаткавказаг аграрон-технологон колледжы, Дзæуджыхъæуы электроникæйы колледжы, Дзæуджыхъæуы бирæкъабазджын техникумы, Цæгат Ирыстоны паддзахадон базарадон-экономикон колледжы æмæ Профессион цæттæдзинадыл тагъддæр кусыны центры.

Уымæй уæлдай семæ æмархайд кæнынц Профессион къæпхæнты Цæгаткавказаг ахуырадон центр æмæ Дунеон центр «Алонтæ» дæр. Граждæнтæн сæ бон равзарын уыдзæн ахуырадон фæзуат Уæрæсейы ахуырадон кусæндæтты æхсæн.

Абоны онг уал ахуыртæ ацыдысты 45 адæймаджы! Ныр ахуыр кæнын райдыдтой 116 адæймаджы. Ахуыр кæнын кæй фæнды, уыдон та дарддæр ист цæуынц ног къордтæм.

Июлы РЦИ-Аланийы Профессион цæттæдзинады тагъддæр кусыны центры ахуыргæнæн курсытæ райдыдтой дæсныйад фæуæлдæр кæныны тыххæй программæ «Бухгалтерон хыгъд»-мæ гæсгæ. «Курсытæ куы фæуой, уæд рауагъдонтæн сæ бон уыдзæн бухгалтертæй кусын. Ацы программæйы нысан та у дæсны специалисттæ бацæттæ кæнын», — радзырдта Цæгат Ирыстоны паддзахадон базарадон-экономикон колледжы ахуыргæнæг Тыбылты Анжелæ. Йæ ныхæстæм гæсгæ, къордты ахуыр кæнынц, ныртæккæ сывæллонмæ зилыны тыххæй 3 азы онг отпусчы чи ис, ахæм сылгоймæгтæ кæнæ та кусгæ чи нæ кæны, уыдон. Фæнды сæ дæсныйад фæуæлдæр кæнын, кæйдæрты та — йæ дæсныйад баивын.

Уымæй уæлдай ацы къæпхæнты граждæнтæй фæстæмæ проекты ацы аз сæ бон архайын у æрыгон адæймæгтæн дæр 16-аздзыдæй 35 азы онг, колледжы æмæ уæлдæр ахуыргæнæндæтты фæстаг курсыты студенттæн дæр, стæй æфсады службæ, колледжы кæнæ уæлдæр ахуыргæнæндон фæуыны фæстæ 4 мæйæ фылдæр рæстæгмæ куыст ссарын йæ бон кæмæн нæу, уыдон дæр. Уæдæ куыстæй суæгъд кæнынæй тæссаг кæмæн у, астæуккаг профессион кæнæ уæлдæр ахуырад кæмæ нæй, стæй пенсийы размæйы æмæ 50 азæй уæлдæр кары адæймæгтæн дæр ис программæйы архайæн.

Цæгат Ирыстоны цæрджытæн дæсныйæдты номхыгъдимæ базонгæ уæвын æмæ ахуырмæ сæхи ныффыссын сæ бон у ахæм бæрæггæнæнтæм гæсгæ: https://trud.worldskills.ru/ кæнæ та хъæуы Куыстылæуды республикон центрмæ фæдзурын.

Куыстылæуды республикон центры пресс-службæ

ОСТАВЬТЕ ОТВЕТ

Please enter your comment!
Please enter your name here