Республикæйы Сæргълæууæг Сергей Меняйло ведомствæйы хæрзиуджытæ радта Цæгат Ирыстон-Аланийы Тæрхонадон-медицинон экспертизæйы специалисттæн.
«Вазыгджын хæстæ æххæст кæнгæйæ, сымах равдыстат, Донецкаг æмæ Луганскаг Адæмон республикæты æмкусджытæн баххуыс кæныны фæндон. Уæ удуæлдай стыр фыдæбоны тыххæй уын бузныг зæгъын, кад уын кæнын!», — фæбæрæг кодта Сæргълæууæг Тæрхонадон-медицинон экспертизæйы кусджытимæ фембæлгæйæ.
Николай Семашкойы номыл майданæй Уæрæсейы Федарацийы Æнæниздзинад хъахъхъæнынады министрады бардзырдæй адæмы цард æмæ æнæниздзинад хъахъхъæныны тыххæй Цæгат Ирыстон-Аланийы Тæрхонадон-медицинон экспертизæйы кусджытæй хорзæхгонд æрцыдысты:
— экспертон куыстæй хицауы хæдивæг Гобеты Тамерлан;
— тæрхонадон-медицинон эксперт, дохтыр Гуырцъыты Зауырбег;
— тæрхонадон-медицинон экспертизæйы хайады разамонæг Езеты Олег;
— тæрхонадон-медицинон экспертизæйы хайады хицау Кокойты Баско;
— Мæздæджы районы экспертизæйы хицау Павел Леготкин;
— хайады хицау Тъехты Къахабер;
— хайады хицау Тургиты Артур.
Николай Семашкойы номыл майдан фидаргонд æрцыд 2020 азы, æхсæнадон æнæниздзинад чи хъахъхъæны, уыдонæн æй дæттынц.
Уый тыххæй фехъусын кодта РЦИ-Аланийы Сæргълæууæджы æмæ Хицауады пресс-службæ.
Нæ уацхæссæг