Фæсивæды хъомыладмæ — бæрнон цæстæнгас

0
84

Дзæуджыхъæуы бынæттон хиуынаффæйады администраци æмæ нациты ‘хсæн ахастдзинæдты хайад РЦИ-Аланийы Адæмты хæлардзинады республикон хæдзар æмæ Цæгат Ирыстоны Хетæгкаты Къостайы номыл паддзахадон университеты хъæппæрисæй цы фембæлд арæзт æрцыд, уым ныхас цыдис, æндæр нацитæ æмæ алы диныл хæст адæмимæ хæлардзинады ахастдзинæдтæ фидар кæныны, студентты ‘хсæн экстремистон хъуыддæгтæ ма ‘руадзыны фарстатыл.

Архайдтой дзы, ЦИПУ-йы чи ахуыр кæны, уыцы фæсарæйнаг студенттæ дæр, РЦИ-Аланийы Национ политикæ æмæ æддагон бастдзинæдты министрады минæвæрттæ, Участокты службæгæнджытæ, РЦИ-Аланийы экстремизмы ныхмæ тохы Мидхъуыддæгты министрад, Дзæуджыхъæуы Ирыстойнаг районы прокуратурæ æмæ дины кусджытæ.
РЦИ-Аланийы Национ политикæ æмæ æддагон бастдзинæдты министрады дины организацитæ æмæ экстремизмы ныхмæ тохы хайады разамонæг Цæллагты Артур куыд радзырдта, уымæ гæсгæ фæстаг рæстæг зæрдиагæй архайынц студентты ‘хсæн экстремизм æмæ æндæр æгъдаухалæн хъуыддæгтæ ма ‘руадзыныл. Æмæ ма дарддæр фæбæрæг кодта:
— Уый тыххæй арæзт æрцыд ацы æмбырд дæр, цæмæй студентты ‘хсæн парахат кæнæм хæлардзинады ахастдзинæдтæ алы нацитæ æмæ диныл хæст адæмты ‘хсæн. Нæ программæ у тынг хъæздыг. Фæсарæйнаг студенттæн саразæм экскурситæ Ирыстоны алы районтæм, зонгæ сæ кæнæм нæ республикæйы культурон æмæ историон бынæттимæ, ирон адæмы æгъдæуттæ æмæ традицитимæ, цæмæй ам, Ирыстоны зæххыл, сæхи дзæбæх æнкъарой æмæ сын æнцондæр уа цæрын дæр æмæ ахуыр кæнын дæр.


Хъойбайты Галинæ
Къам систа
Хъайырты Дианæ

ОСТАВЬТЕ ОТВЕТ

Please enter your comment!
Please enter your name here