Иннæ аз апрелы Дзæуджыхъæуы равдисдзысты Хетæгкаты Къостайы æмном поэмæмæ гæсгæ мюзикл «Фатимæ». Продюсер Хабыцты Хъазыбеджы ныхасмæ гæсгæ, рæхджы егъау проект æххæст кæнын райдайдзысты.
17 апрелы Дзæуджыхъæуы Культурæйы галуан «Металлург»-ы ацæудзæн, мюзиклы архайынмæ æвзæрсты фыццаг туры архайыны бар дзы уыдзæн профессион актертæм, аивæдты факультетты студенттæ æмæ зарынмæ дæсны 17-27-аздзыд фæсивæдæн.
Мюзиклы сæйраг архайджыты æвзæрст ацæудзæн Хуссар Ирыстоны дæр. Уæвæн ис, æмæ сыхаг республикæйы актертæ дæр мюзиклы архайдзысты.
— Мюзиклмæ æвдисæм стыр домæнтæ. Мюзиклæн цытджын Къостайы уацмыс равзарæг актерты ‘хсæн биноныг ныхас рауад. Къостайы «Фатимæ» равзаргæйæ, нæхимæ стыр бæрндзинад райстам. Зындгонд Къостайы уацмыс бирæ фыдыбæстон æмæ фæсарæйнаг аивадуарзджытæ цæмæй феной, уый мах фæнды, — загъта продюсер.
Уырыссагау кæй æвдисдзысты, уыцы мюзиклы азæлдзысты ирон зарджытæ дæр.
Тайсауты Олег кæй аивадон разамонæг уыдзæн, уыцы мюзиклыл бакусдзысты культурæйы зындгонд архайджытæ. Мюзиклы режиссерæй сæвæрынмæ хъавынц Æлбегаты Алан, Хъæрджынты Изабеллæ, æмæ Пагæты Фатимæйы.
Бæззаты Алинæ
