Æххуыс кæндзæн паддзахад дæр

0
41

Хи куыстыл хæст чи у æмæ афтæмæй цæрыны фæрæзтæ кæмæ хауы (самозанятые), уыдоны нымæцыл ма Цæгат Ирыстоны 2023 азы бафтыд 15 мины æмæ 300, ныртæккæ хæццæ кæны 40 мины 500 адæймагмæ.

Раздæр цæрджытæ не ‘ргом кодтой сæ пайдайы æхца, уымæн, æмæ сæ уæд бирæ рацу-бацу кæнын хъуыди хъалонтæ фидыны фæдыл гæххæттытæ æмбырд кæнынмæ. Ныртæккæ уыцы хъуыддаг фæци дзæвгар æнцондæр æмæ дзы æмбæхстагæй ницыуал ис. Уымæй уæлдай ма уыцы социалон къордæн бар ис паддзахады ‘рдыгæй æххуыс бацагурын дæр.
Уымæй уæлдай ма афæдзы дæргъы нæ республикæйы 1,5 мины бæрц фылдæр фæци хи куыстыл хæст амалхъом адæймæгты нымæц, æмæ ацы азы 1 январмæ схæццæ сты 13 мины æмæ 800. Уыцы-иу рæстæг та сæ амалхъомады куыст ныууагътой 3 мины гыццыл хъуаг адæймаджы.
Зæрдыл ма æрлæууын кæндзыстæм уый дæр, æмæ ацы мæйы райдайæны Цæгат Ирыстоны Хицауады Сæрдары хæдивæг Платы Альбинæ куыд загъта, афтæмæй 2021 азæй абонмæ хи куыстыл хæст чи у, уыцы адæмы нымæц дзæвгар фылдæр фæци, æцæг се ‘хцайы пайда у фæллойы мызды тæккæ къаддæр бæрцæй ныллæгдæр.

Саутæты Тамилæ

ОСТАВЬТЕ ОТВЕТ

Please enter your comment!
Please enter your name here