Хуссар Ирыстоны раздæры Президент Бибылты Ильяйы фырт Анатолийæн лæвæрд æрцыд Донецкы Адæмон Республикæйы Хъæбатыры ном. Бæрзонд хæрзиуæг райсыны фæдыл ын зæрдиаг арфæ ракодта зындгонд советон æмæ уæрæсейаг æфсæдты хицау Суанты Никъалайы фырт Станислав, 1992 азы Цхинвалмæ ныхмæлæуды зонæмæ уый бакодта сабырдзинадыл архайæг тыхтæ.
«Зынаргъ Анатоли Ильяйы фырт! Тынг æхсызгонæй сæмбæлдтæн, Донецкы Адæмон Республикæйы Хъæбатыры ном дын кæй саккаг кодтой, уыцы хабарыл! Уый æвдисæн у, тохы быдыры дæхи арæхстджын командæгæнæг æмæ æхсарджын хæстонæй кæй равдыстай, уымæн. Сæрмагонд æфсæддон операцийы Хъæбатыры ном чи райста, Ирыстоны уыцы намысджын фырттимæ нæ Хъæбатырты хыгъдыл бафтыдтай! Зæрдиагæй дын арфæ кæнын дæ кадджын хæрзиуæджы тыххæй æмæ дæ мæ сæр бæрзæндты хæссын! Мæ зæрдæ дын зæгъы тагъд рæстæджы Уæлахиз!
Уæлахиз у, Анатоли! Дæуæн дæр æмæ дæ хæстон æмбæлттæн дæр арфæ кæнын нæ иумæйаг бæрæгбоны фæдыл — Фыдыбæстæ хъахъхъæнæджы боны хорзæх уæ уæд!
Инæлар-булкъон Суанты Станислав»
